ନୂଆଦିଲ୍ଲୀ ୨୮ ମଇ (ଓଡିଆ ପୁଅ) ସିବିଏସ୍ଇ ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷା ୨୦୨୧ ରଦ୍ଦ ଆବେଦନ ଉପରେ ସୁପ୍ରିମକୋର୍ଟଙ୍କ ଶୁଣାଣି ଶେଷ ହୋଇଛି।
ଜଷ୍ଟିସ ଏମ ଖାନୱିଲକରଙ୍କ ସହ ସୁପ୍ରିମକୋର୍ଟର ଜଷ୍ଟିସ ଦୀନେଶ ମହେଶ୍ୱରୀଙ୍କୁ ନେଇ ଗଠିତ ଖଣ୍ଡପୀଠ ଦ୍ୱାଦଶ ଶ୍ରେଣୀ ପରୀକ୍ଷା ବାତିଲ କରିବା ଆବେଦନର ଶୁଣାଣି କରିଥିଲେ। ସର୍ବୋଚ୍ଚ ନ୍ୟାୟାଳୟ ଏହି ମାମଲାକୁ ସୋମବାର, ମଇ ୩୧, ୨୦୨୧ କୁ ସ୍ଥଗିତ ରଖିଛନ୍ତି।
ଏହି ମାମଲାର ପରବର୍ତ୍ତୀ ଶୁଣାଣି ସୋମବାର ସକାଳ ୧୧ ଟାରେ ହେବ।
ସୂଚନାଯୋଗ୍ୟଯେ, ସୁପ୍ରିମକୋର୍ଟର ଆଡଭୋକେଟ୍ ମମତା ଶର୍ମାଙ୍କ ଦ୍ୱାରା ଦାଖଲ ହୋଇଥିବା ପିଟିସନ୍ରେ ସିବିଏସ୍ଇ ଏବଂ ଆଇସିଏସ୍ଏସ୍ ଦ୍ୱାଦଶ ଶ୍ରେଣୀ ପରୀକ୍ଷାକୁ ବାତିଲ କରିବାକୁ କେନ୍ଦ୍ର, ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଏବଂ ଭାରତୀୟ ବିଦ୍ୟାଳୟ ସାର୍ଟିଫିକେଟ୍ ପରୀକ୍ଷା ପରିଷଦ (ସିଆଇଏସ୍ସିଇ) କୁ ନିର୍ଦ୍ଦେଶ ଦେବାକୁ କୋର୍ଟଙ୍କୁ ନିବେଦନ କରାଯାଇଥିଲା।
ଏହି ଆବେଦନରେ ଆଡଭୋକେଟ୍ ସର୍ବୋଚ୍ଚ ନ୍ୟାୟାଳୟଙ୍କୁ ଅନୁରୋଧ କରିଥିଲେ ଯେ, ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଅବଜେକ୍ଟିଭ୍ ପଦ୍ଧତି ଆଧାରରେ ଦ୍ୱାଦଶ ଶ୍ରେଣୀ ପରୀକ୍ଷା ଫଳାଫଳ ଘୋଷଣା କରିବାକୁ ଜାତୀୟ ପରୀକ୍ଷା ପରିଚାଳନା କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଉ।
ଏହା ସହିତ ପ୍ରାୟ ୭୦୦୦ ଅଭିଭାବକ ମଧ୍ୟ ଏହି ମହାମାରୀ ମଧ୍ୟରେ ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷା ବାତିଲ କରିବାକୁ ସୁପ୍ରିମକୋର୍ଟକୁ ଯାଇଛନ୍ତି।
ପ୍ରକାଶ ଥାଉକି, ସୂଚନାନୁସାରେ ସିବିଏସ୍ଇ ପରୀକ୍ଷା ପରିଚାଳନା ସମ୍ପର୍କରେ ଜୁନ୍ ୧ ତାରିଖ ଦିନ ଘୋଷଣା କରାଯିବ ବୋଲି ଆଶା କରାଯାଉଛି। ମେ ୨୩ ରେ ଅନୁଷ୍ଠିତ ହୋଇଥିବା ଉଚ୍ଚ ସ୍ତରୀୟ ବୈଠକରେ ନିର୍ଦ୍ଦେଶ ଅନୁଯାୟୀ, ରାଜ୍ୟ ସରକାରମାନେ ୨୫, ମଇ ୨୧ ସୁଦ୍ଧା ସେମାନଙ୍କ ମତ ପ୍ରଦାନ କରିସାରିଛନ୍ତି।
ପାଖାପାଖି ୩୦୦ ଦ୍ୱାଦଶ ଶ୍ରେଣୀ ଛାତ୍ର CJI କୁ ଲେଖିଛନ୍ତି ଚିଠି
ଏହି ସପ୍ତାହ ପୂର୍ବରୁ ପ୍ରାୟ ୩୦୦ ଦ୍ୱାଦଶ ଶ୍ରେଣୀ ଛାତ୍ର COVID-୧୯ ମହାମାରୀ ମଧ୍ୟରେ ଶାରୀରିକ ପରୀକ୍ଷା କରିବା ପାଇଁ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ର ନିଷ୍ପତ୍ତି ବାତିଲ କରିବାକୁ ଭାରତର ପ୍ରଧାନ ବିଚାରପତି (ସିଜେଆଇ) ଏନ.ଭି.ରାମନାଙ୍କୁ ଏକ ଚିଠି ପଠାଇଛନ୍ତି।
ଛାତ୍ରମାନଙ୍କୁ ବିକଳ୍ପ ମୂଲ୍ୟାଙ୍କନ ଯୋଜନା ଯୋଗାଇବାକୁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେବାକୁ ମଧ୍ୟ ସୁପ୍ରିମକୋର୍ଟଙ୍କୁ ଅନୁରୋଧ କରିଛନ୍ତି।
ଜୁନ୍ ୧ ସୁଦ୍ଧା ପରୀକ୍ଷା ପରିଚାଳନା ଉପରେ ନିଷ୍ପତ୍ତି
ସୂଚନାନୁସାରେ, ଜୁନ୍ ୧ ସୁଦ୍ଧା ସିବିଏସ୍ଇ ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷା ୨୦୨୧ ବିଷୟରେ ନିଷ୍ପତ୍ତି ଘୋଷଣା କରାଯିବ।
ମନ୍ତ୍ରୀ ରମେଶ ପୋଖ୍ରିଆଲଙ୍କ ନିର୍ଦ୍ଦେଶ ଅନୁଯାୟୀ ମେ ୨୫, ୨୦୨୧ ସୁଦ୍ଧା ରାଜ୍ୟ ସରକାର ପରୀକ୍ଷା ସମ୍ବନ୍ଧରେ ବିସ୍ତୃତ ପରାମର୍ଶ ଦାଖଲ କରିସାରିଛନ୍ତି।
ଜଷ୍ଟିସ ଏମ ଖାନୱିଲକର ଏହି ପିଟିସନର ଶୁଣାଣି କରିବେ
ସୁପ୍ରିମକୋର୍ଟର ଜଷ୍ଟିସ ଦୀନେଶ ମହେଶ୍ୱରୀଙ୍କ ସହିତ ଜଷ୍ଟିସ ଏମ ଖାନୱିଲକର ଆଜି ସକାଳ ୧୦.୩୦ ରେ ଏହି ପିଟିସନର ଶୁଣାଣି କରିବେ।
ଭିଡିଓ କନଫରେନ୍ସିଂ ମାଧ୍ୟମରେ ଶୁଣାଣି କରାଯିବ।
ଆଡଭୋକେଟ୍ ମମତା ଶର୍ମା ବାତିଲ ଉପରେ ଆବେଦନ କରିଥିଲେ
ଆଡଭୋକେଟ୍ ମମତା ଶର୍ମା ସୁପ୍ରିମକୋର୍ଟରେ ସିବିଏସ୍ଇ ଦ୍ୱାଦଶ ଶ୍ରେଣୀ ବୋର୍ଡ ପରୀକ୍ଷା ୨୦୨୧ ରଦ୍ଦ କରିବାକୁ ଜନସ୍ୱାର୍ଥ ମାମଲା ଦାୟର କରିଛନ୍ତି। ସର୍ବୋଚ୍ଚ ନ୍ୟାୟାଳୟ ଏହି ମାମଲାର ଶୁଣାଣି ପାଇଁ ତାଲିକାଭୁକ୍ତ କରିଛନ୍ତି।
