ନୂଆ ଦିଲ୍ଲୀ ୧୧-୮ (ଓଡ଼ିଆ ପୁଅ) ସଞ୍ଜୟ ଦତ୍ତ ଫୁସଫୁସ କର୍କଟ ରୋଗରେ ଆକ୍ରାନ୍ତ ହୋଇଥିବା ଟ୍ୱିଟ୍ କରି କୋମଲ ନାହାଟା ସୂଚନା ଦେଇଛନ୍ତି। ଦୁଇ ଦିନ ପୂର୍ବେ ସଞ୍ଜୟ ଦତ୍ତଙ୍କୁ ନିଶ୍ୱାସ ନେବାରେ ଅସୁବିଧା ହେତୁ ମୁମ୍ବାଇ ଲିଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ତାଙ୍କର କରୋନା ଟେଷ୍ଟ କରାଯାଇଥିଲା। କିନ୍ତୁ କରୋନା ରିପୋର୍ଟ ନେଗେଟିଭ୍ ଆସିଥିଲା।
ଏହା ପରେ କିନ୍ତୁ ତାଙ୍କ ସ୍ୱାସ୍ଥ୍ୟରେ କିଛି ଅସୁବିଧା ଥିଲା ଯେ, ସେ କାମରୁ ବିରତି ନେଇଥିଲେ। ସେବେଠାରୁ ଅନେକ କଳ୍ପନାଜଳ୍ପନା ଚାଲିଥିଲା। ଏହି ସମୟରେ ଏହି ଖବର ଆସିଛି।
ଗତକାଲି ସଞ୍ଜୟ ଦତ୍ତ ହସ୍ପିଟାଲରୁ ଛୁଟି ନେବା ପରେ ଘରକୁ ଫେରିଥିଲେ ଏବଂ ଆଜି କିଛି ଡାକ୍ତରୀ ରିପୋର୍ଟ ଆସିଲା ପରେ ସଞ୍ଜୟ ଦତ୍ତ ସୋସିଆଲ ମିଡିଆରେ ତାଙ୍କ ସ୍ୱାସ୍ଥ୍ୟ ଭଲ ନୁହେଁ ବୋଲି କହିଥିଲେ। ତେଣୁ ସେ କିଛି ଦିନ ଧରି ଚିକିତ୍ସା ପାଇଁ କାମରୁ ବିରତି ନେଉଛନ୍ତି ବୋଲି ଜଣାଇଥିଲେ।
ଜାତୀୟ ଗଣମାଧ୍ୟମ ଖବର ଅନୁଯାୟୀ ସଞ୍ଜୟ, ଫୁସଫୁସ କର୍କଟରେ ପୀଡିତ ଅଛନ୍ତି ଏବଂ ତାଙ୍କ ପରିବାର ତାଙ୍କୁ ଚିକିତ୍ସା ପାଇଁ ଶୀଘ୍ର ଆମେରିକା ନେବାକୁ ପ୍ରସ୍ତୁତ ହେଉଛନ୍ତି।
ମଙ୍ଗଳବାର ରାତିରେ ହଠାତ୍ କୋମଲ ନହତା ଟ୍ୱିଟ୍ କରି ସୂଚନା ଦେଇଛନ୍ତି ଯେ ସଞ୍ଜୁ ବାବା ଫୁସଫୁସ କର୍କଟ ରୋଗରେ ଆକ୍ରାନ୍ତ ହୋଇଛନ୍ତି।
ଆଜି ସଞ୍ଜୟ ଦତ୍ତ ଏକ ବିବୃତ୍ତି ଜାରି କରି କହିଛନ୍ତି, “ସେ ବର୍ତ୍ତମାନ ସ୍ୱାସ୍ଥ୍ୟ ଏବଂ ଚିକିତ୍ସା ଯୋଗୁଁ କାମରୁ ବିରତି ନେଉଛନ୍ତି। ଯଦିଓ ଭୟଭୀତ ହେବାର କିଛି ନାହିଁ। ପରିବାର, ବନ୍ଧୁ ଏବଂ ତାଙ୍କ ପ୍ରଶଂସକଙ୍କ ପ୍ରେମ ତାଙ୍କ ସହିତ ଅଛି। ମିଥ୍ୟା ଗୁଜବ ଉପରେ ବିଶ୍ୱାସ କରନ୍ତୁ ନାହିଁ ମୁଁ ଶୀଘ୍ର ଫେରିବି।
ଫୁସଫୁସ କର୍କଟରେ ପୀଡିତ ବଲିଉଡ ଅଭିନେତା ସଞ୍ଜୟ ଦତ୍ତଙ୍କ ପ୍ରଶଂସକଙ୍କ ପାଇଁ ଏହା ଏକ ଖରାପ ଖବର। ଏହା କୁହାଯାଉଛି ଯେ ସଞ୍ଜୟ ଦତ୍ତ କର୍କଟ ରୋଗର ତୃତୀୟ ପର୍ଯ୍ୟାୟରେ ଅଛନ୍ତି ଏବଂ ସେ ଏହି ଗୁରୁତର ରୋଗର ଚିକିତ୍ସା ପାଇଁ ଆମେରିକା ଯାଉଛନ୍ତି।
ସୂଚନାଯୋଗ୍ୟଯେ, ସଞ୍ଜୟ ଦତ୍ତଙ୍କ ମାତା ନର୍ଗିସ୍ ମଧ୍ୟ କର୍କଟ ରୋଗରେ ମୃତ୍ୟୁ ବରଣ କରିଥିଲେ।
