ନୂଆ ଦିଲ୍ଲୀ ୮-୯ (ଓଡ଼ିଆ ପୁଅ) ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ଏନସିବି ବଲିଉଡ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ଗିରଫ କରିଛି। ସୁଶାନ୍ତ ସିଂ ମୃତ୍ୟୁ ମାମଲାରେ ଆଜି ପର୍ଯ୍ୟନ୍ତ ଏହା ହେଉଛି ସବୁଠାରୁ ବଡ ଗିରଫ। ମଙ୍ଗଳବାର ସନ୍ଧ୍ୟା ୭.୩୦ ରେ ଭିଡିଓ କନଫରେନ୍ସିଂ ମାଧ୍ୟମରେ ରିୟା ଚକ୍ରବର୍ତ୍ତୀ କୋର୍ଟରେ ହାଜର ହେବେ। ସେପଟେ ରିୟାଙ୍କ ଓକିଲ ସତୀଶ ମାନଶିନ୍ଦେ ଏକ ବିବୃତ୍ତିରେ କହିଛନ୍ତିଯେ, ଏହା ନ୍ୟାୟର ପରିହାସ। ସେ କହିଛନ୍ତି ଯେ ତିନି କେନ୍ଦ୍ରୀୟ ଏଜେନ୍ସି ଜଣେ ମହିଳାଙ୍କ ପଛରେ ପଡ଼ିଛନ୍ତି ଏବଂ ତାଙ୍କୁ ହଇରାଣ କରୁଛନ୍ତି। ସେ କେବଳ ଜଣେ ଡ୍ରଗ୍ସ ଆଡ଼ିକ୍ଟଙ୍କ ପ୍ରେମରେ ଥିଲେ।
ମାନସିକ ସ୍ୱାସ୍ଥ୍ୟ ସମସ୍ୟା ସହ ସଂଘର୍ଷ କରୁଥିବା ଜଣେ ବ୍ୟକ୍ତିଙ୍କୁ ପ୍ରେମ କରିବାରୁ ଏବେ ଦଣ୍ଡ ମିଳୁଛି ବୋଲି ସତୀଶ ମାନଶିନ୍ଦେ କହିଛନ୍ତି। ସତୀଶ କହିଛନ୍ତି ଯେ, ସୁଶାନ୍ତ ମୁମ୍ବାଇର ପାଞ୍ଚ ଜଣ ମାନସିକ ରୋଗ ବିଶେଷଜ୍ଞଙ୍କୁ ଦେଖାଇଥିଲେ ଯେଉଁଠାରେ ତାଙ୍କୁ ଚିକିତ୍ସା କରାଯାଇଥିଲା।
ଜାତୀୟ ଗଣମାଧ୍ୟମ ସୂତ୍ରରୁ ଜଣାପଡ଼ିଛିଯେ, ଏନସିବି ଏହି ମାମଲାରେ ରିୟାଙ୍କ ରିମାଣ୍ଡ ମାଗିବ ନାହିଁ। ଯଦି ଏହା ହୁଏ ତେବେ କେର୍ଟ ରିୟାଙ୍କୁ ତାଙ୍କୁ ନ୍ୟାୟିକ ହେପାଜତକୁ ପଠାଇବେ। ଏହା ପରେ ଏହା ସମ୍ଭବ ଯେ ରିୟାଙ୍କ ଓକିଲ ତାଙ୍କର ବେଲ୍ ଦାବି କରିବେ।
