– ଆୟୁଷ୍ମାନ ଭାରତ ସହ ସଂଶ୍ଳିଷ୍ଟ ଡାକ୍ତର, ନର୍ସ ଓ ଅନ୍ୟାନ୍ୟ କର୍ମଚାରୀଙ୍କୁ ପ୍ରଧାନମନ୍ତ୍ରୀଙ୍କ ପ୍ରଶଂସା
– ଗୁଣାତ୍ମକ ଓ ସୁଲଭ ସ୍ୱାସ୍ଥ୍ୟ ସେବା ଦେବା ଆୟୁଷ୍ମାନ ଭାରତର ସର୍ବୋକ୍ରୃଷ୍ଟ ସୁବିଧା କହିଲେ ପ୍ରଧାନମନ୍ତ୍ରୀ
ଆୟୁଷ୍ମାନ ଭାରତ ହିତାଧିକାରୀଙ୍କ ସଂଖ୍ୟା ଆଜି ୧କୋଟିରେ ପହଞ୍ଚି ଥିବାରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ସନ୍ତୋଷବ୍ୟକ୍ତ କରିଛନ୍ତି।
ନୂଆ ଦିଲ୍ଲୀ ୨୧-୫ (ଓଡ଼ିଆ ପୁଅ) କ୍ରମାଗତ ଭାବେ ଟ୍ୱିଟ ଯୋଗେ ପ୍ରଧାନମନ୍ତ୍ରୀ କହିଛନ୍ତି ଯେ, ଏହି ହିତାଧିକାରୀଙ୍କ ସହ ୧ କୋଟିରେ ପହଞ୍ଚିଥିବାରୁ ପ୍ରତ୍ୟକ ଭାରତବାସୀ ଏଥିପାଇଁ ଗର୍ବିତ। ସେ କହିଛନ୍ତି ଯେ, “ମାତ୍ର ୨ ବର୍ଷରୁ କମ ସମୟ ମଧ୍ୟରେ ଏଭଳି ପଦକ୍ଷେପ ଯୋଗୁ ଅନେକଙ୍କ ଜୀବନରେ ଉନ୍ନତି ଆସିପାରିଛି। ମୁଁ ସମସ୍ତ ହିତାଧିକାରୀ ଓ ସେମାନଙ୍କ ପରିବାରବର୍ଗଙ୍କୁ ଅଭିନନ୍ଦନ ଜଣାଉଛି। ମୁଁ ମଧ୍ୟ ସେମାନଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ପ୍ରାର୍ଥନା କରୁଛି।”
ପ୍ରଧାନମନ୍ତ୍ରୀ ଶ୍ରୀ ମୋଦୀ ଆୟୁଷ୍ମାନ ଭାରତ ସହ ସଂଶ୍ଳିଷ୍ଟ ସମସ୍ତ ଡାକ୍ତର, ନର୍ସ ଓ ଅନ୍ୟାନ୍ୟ କର୍ମଚାରୀଙ୍କ ଉଦ୍ୟମର ଭୂୟସୀ ପ୍ରଶଂସା କରିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ, ସେମାନଙ୍କ ଉଦ୍ୟମ ଯୋଗୁ ଆୟୁଷ୍ମାନ ଭାରତ ଆଜି ବିଶ୍ୱର ବୃହତ ସ୍ୱାସ୍ଥ୍ୟସେବା କାର୍ଯ୍ୟକ୍ରମରେ ପରିଣତ ହୋଇଛି। ବିଶେଷ କରି ଗରିବ ଓ ଅବହେଳିତ ସମେତ ଅନେକ ଭାରତୀୟଙ୍କ ମନରେ ଏହି ପଦକ୍ଷେପ ଆଶାସଂଚାର କରିଛି। ପ୍ରଧାନମନ୍ତ୍ରୀ କହିଛନ୍ତି ଯେ, ଆୟୁଷ୍ମାନ ଭାରତର ସବୁଠାରୁ ବଡ ସୁବିଧା ହେଉଛି ଏହା ଖୁବ ସହଜରେ ଉପଲବ୍ଧ। ଟ୍ୱିଟ ଯୋଗେ ଶ୍ରୀ ମୋଦୀ ଆହୁରି କହିଛନ୍ତି ଯେ, ଏହାର ହିତାଧିକାରୀମାନେ ଯେଉଁଠି ପଞ୍ଜୀକୃତ ହୋଇଥାଆନ୍ତୁ ନା କାହିଁକି ଦେଶର ସବୁ ଜାଗାରୁ ଗୁଣାତ୍ମକ ଓ ସୁଲଭ ମୂଲ୍ୟରେ ଔଷଧପତ୍ର ପାଇପାରିବେ। ଘର ପାଖରେ ପଞ୍ଜୀକୃତ ହୋଇସୁଧା ଦୂରଦୂରାନ୍ତରେ ଥାଇ ମଧ୍ୟ ଏହି ସୁବିଧାରୁ ବଞ୍ଚିତ ହେବେନାହିଁ।
ପ୍ରଧାନମନ୍ତ୍ରୀ କହିଛନ୍ତି ଯେ, ବର୍ତ୍ତମାନ ପରିସ୍ଥିତି ଦୃଷ୍ଟିରୁ ସେ ଆୟୁଷ୍ମାନ ଭାରତର ହିତାଧିକାରୀମାନଙ୍କ ସହ କଥାବାର୍ତ୍ତା ହୋଇପାରୁନାହାନ୍ତି। ତେବେ ସେ ଆୟୁଷ୍ମାନ ଭାରତର ୧କୋଟିତମ ହିତାଧିକାରୀ ମେଘାଳୟର ପୂଜା ଥାପ୍ପାଙ୍କ ସହ ଟେଲିଫୋନ ଯୋଗେ କଥାବାର୍ତ୍ତା କରିଛନ୍ତି।
