ନୂଆ ଦିଲ୍ଲୀ ୨୭-୩ (ଓଡ଼ିଆ ପୁଅ) ଛାତିରେ ଅସ୍ୱାଭାବିକତା ଅନୁଭବ କରିବା ପରେ ୨୬ ମାର୍ଚ୍ଚ ଶୁକ୍ରବାର ଦିନ ଆର୍ମି ହସ୍ପିଟାଲକୁ ନିଆଯାଇଥିବା ରାଷ୍ଟ୍ରପତି ରାମ ନାଥ କୋବିନ୍ଦ ସ୍ୱାସ୍ଥ୍ୟାବସ୍ଥା ବର୍ତ୍ତମାନ ସ୍ଥିର ଅଛି ଏବଂ ତାଙ୍କର ଅଧିକ ଯାଞ୍ଚ ପାଇଁ ଦିଲ୍ଲୀର ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (AIIMS) କୁ ସ୍ଥାନାନ୍ତର କରାଯାଇଛି। ରାଷ୍ଟ୍ରପତିଙ୍କ ସଚିବାଳୟର ଏକ ବିବୃତ୍ତିକୁ ଆଧାର କରି ANI ରିପୋର୍ଟ କରିଛି।
ବିବୃତ୍ତି ଅନୁଯାୟୀ, ଦିଲ୍ଲୀର AIIMS ରେ ଅନୁସନ୍ଧାନ ପରେ ଡାକ୍ତରମାନେ ତାଙ୍କର ବାଇପାସ୍ ପ୍ରକ୍ରିୟା କରିବାକୁ ପରାମର୍ଶ ଦେଇଛନ୍ତି। ମାର୍ଚ୍ଚ ୩୦ ତାରିଖ ସକାଳେ ଏହା କରାଯିବ ବୋଲି ଆଶା କରାଯାଉଛି।
ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି ବୋଲି ଶୁକ୍ରବାର ଦିନ ଆର୍ମି ହସ୍ପିଟାଲ ତରଫରୁ କୁହାଯାଇଥିଲା।
