ନୂଆ ଦିଲ୍ଲୀ ୧୭ ଜୁନ୍ (ଓଡ଼ିଆ ପୁଅ) ଖୁବ ଶୀଘ୍ର ମୋଦୀ ସରକାରରେ କ୍ୟାବିନେଟର ହେବ ପୁନର୍ଗଠନ। ଖୁବ ଶୀଘ୍ର ଘୋଷଣା କରାଯାଇପାରେ ନାମ। ଏଥର ଅନେକ ଯୁବ ଚେହେରା ସ୍ଥାନ ପାଇପାରନ୍ତି। ବିଜେପିର ଶୀର୍ଷ ନେତୃତ୍ୱ ଏହି ନାମ ସ୍ଥିର କରିବାରେ ବହୁ ଉଦ୍ୟମ କରିଛନ୍ତି ବୋଲି ଟାଇମ୍ସ ନାଓ ଖବରରୁ ପ୍ରକାଶ।
ତେବେ ଟାଇମ୍ସ ନାଓ ଅନୁଯାୟୀ, ପୁରାତନ ଅଭିଜ୍ଞ ନେତାଙ୍କ ସହ ଅନେକ ଯୁବ ଚେହେରା ସ୍ଥାନ ପାଇବେ ବୋଲି ଆଶା କରାଯାଉଛି। ଏହି ଜ୍ୟୋତିରାଦିତ୍ୟ ସିନ୍ଧିଆ, ଦୀନେଶ ତ୍ରିବେଦୀ, ଭୁପିନ୍ଦର ଯାଦବ, ଅଶ୍ୱିନୀ ବୈଷ୍ଣବ, ବରୁଣ ଗାନ୍ଧୀ, ଜାମିଆଙ୍ଗ ସେରିଙ୍ଗ ନାମଗିଆଲଙ୍କ ନାମ ପରିପ୍ରକାଶ କରିଛି ଟାଇମ୍ସ ନାଓ।
ଏହି ନାମ ସ୍ଥିର କରିବାରେ ବିଜେପି ହାଇକମାଣ୍ଡ କଠିନ ପରିଶ୍ରମ କରିଛନ୍ତି। ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହା ନିଜେ ଧ୍ୟାନ ଦେବା ସହ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ମଧ୍ୟ ପରାମର୍ଶ ନିଆଯାଇଥିବା ଖବର ରହିଛି ବୋଲି ଏହି ରିପୋର୍ଟରେ କୁହାଯାଇଛି।
ଆସନ୍ତା ବର୍ଷ ୟୁପି ସମେତ କେତେକ ରାଜ୍ୟରେ ନିର୍ବାଚନ ଅନୁଷ୍ଠିତ ହେବ। ଗତ ସପ୍ତାହରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବିଜେପିର ବରିଷ୍ଠ ନେତାମାନଙ୍କୁ ଭେଟିବା ପାଇଁ ଦିଲ୍ଲୀରେ ପହଞ୍ଚିଥିଲେ। ଏହି ନିର୍ବାଚନକୁ ଦୃଷ୍ଟିରେ ରଖି ମୋଦୀ କ୍ୟାବିନେଟକୁ ପୁନର୍ଗଠନ କରାଯିବ ବୋଲି ଆଶଂକା କରାଯାଉଛି। ଗୋଆ, ମଣିପୁର, ପଞ୍ଜାବ ଏବଂ ଉତ୍ତରାଖଣ୍ଡ ବିଧାନସଭା କାର୍ଯ୍ୟ ୨୦୨୨ ମାର୍ଚ୍ଚରେ ଶେଷ ହେବ। ଏଥି ସହିତ ଉତ୍ତରପ୍ରଦେଶ ବିଧାନସଭାର କାର୍ଯ୍ୟକାଳ ଆସନ୍ତା ବର୍ଷ ମେ ପର୍ଯ୍ୟନ୍ତ ଚାଲିବ।
ଜ୍ୟୋତିରାଦିତ୍ୟ ସିନ୍ଧିଆ –
ମଧ୍ୟପ୍ରଦେଶର କମଲ ନାଥ ସରକାରର ପତନ ଏବଂ ଉପ-ନିର୍ବାଚନରେ ୨୮ ରୁ ୧୯ ଟି ଜିତାଇବାରେ ଜ୍ୟୋତିରାଦିତ୍ୟ ସିନ୍ଧିଆ ପ୍ରମୁଖ ଭୂମିକା ଗ୍ରହଣ କରିଥିଲେ। ସେ ଏକ ବର୍ଷ ପୂର୍ବରୁ ବିଜେପିରେ ଯୋଗ ଦେଇଥିଲେ। କଂଗ୍ରେସରେ ଜ୍ୟୋତିରାଦିତ୍ୟଙ୍କର ଦବଦବା ଥିଲା। ସେ ମନମୋହନ ସିଂଙ୍କ ସରକାରରେ କେନ୍ଦ୍ର ମନ୍ତ୍ରୀ ଭାବରେ କାର୍ଯ୍ୟ କରିଛନ୍ତି। ସେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀଙ୍କ ସହ ଅତି ନିକଟତର ଥିଲେ।
ଦୀନେଶ ତ୍ରିବେଦୀ
ତ୍ରିବେଦୀ ଏକଦା ପଶ୍ଚିମବଙ୍ଗର ସିଏମ୍ ମମତା ବାନାର୍ଜୀଙ୍କ ନିକଟତର ଥିଲେ। ବଙ୍ଗଳା ନିର୍ବାଚନ ପୂର୍ବରୁ ସେ ବିଜେପିରେ ଯୋଗ ଦେଇଥିଲେ। ସେ ମନମୋହନ ସିଂଙ୍କ କ୍ୟାବିନେଟରେ ରେଳ ମନ୍ତ୍ରୀ ଥିଲେ।
ଭୁପିନ୍ଦର ଯାଦବ
ବିହାରରେ ବିଜେପିର ସଫଳତା ପଛରେ ଭୁପିନ୍ଦର ଯାଦବ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ। ହାଇଦ୍ରାବାଦ ସ୍ଥାନୀୟ ସଂସ୍ଥା ନିର୍ବାଚନରେ ଭୁପିନ୍ଦର ବିଜେପିକୁ ଆଗକୁ ବଢ଼ିବାରେ ସାହାଯ୍ୟ କରିଥିଲେ।
ଅଶ୍ୱିନୀ ବୈଷ୍ଣବ
ପୂର୍ବତନ ଆଇଏଏସ୍ ଅଧିକାରୀ ଅଶ୍ୱିନୀ ବୈଷ୍ଣବ ଅଟଳ ବିହାରୀ ବାଜପେୟୀଙ୍କ ବ୍ୟକ୍ତିଗତ ସଚିବ ରହିଛନ୍ତି। ବିଜେଡିର ସମର୍ଥନରେ ସେ ନିର୍ବିରୋଧ ରାଜ୍ୟସଭା ନିର୍ବାଚନରେ ଜିତିଥିଲେ।
ବରୁଣ ଗାନ୍ଧୀ
ବରୁଣ ଗାନ୍ଧୀ ପିଲିଭିତର ବିଜେପି ସାଂସଦ। ସେ ନେହେରୁ-ଗାନ୍ଧୀ ପରିବାରରୁ ଆସିଛନ୍ତି। ସେ ତାଙ୍କର ଆକ୍ରମଣାତ୍ମକ ମନୋଭାବ ପାଇଁ ଜଣାଶୁଣା। ତାଙ୍କର ଭାବମୂର୍ତ୍ତି ଜଣେ ହିନ୍ଦୁବାଦୀ ନେତା ଭାବରେ ରହିଆସିଛି।
ଜାମିଆଙ୍ଗ ସେରିଙ୍ଗ ନାମଗାଲ
ଲଦାଖ ଅଞ୍ଚଳରେ ବିଜେପିର ଅନ୍ୟତମ ପ୍ରମୁଖ ଚେହେରା ଜାମିଆଙ୍ଗ। ଲଦାଖ ହିଲ କାଉନସିଲ ସର୍ଭେରେ ସେ ବିଜେପିର ପ୍ରାଧାନ୍ୟ ବଢ଼ାଇବାରେ ସାହାଯ୍ୟ କରିଛନ୍ତି।
