ମୁମ୍ୱାଇ ୨୭-୨ (ଓଡ଼ିଆ ପୁଅ) : କୋଭିଡ -୧୯ ମାମଲାର ବୃଦ୍ଧିକୁ ଦୃଷ୍ଟିରେ ରଖି ମହାରାଷ୍ଟ୍ରର ଲାତୁର ଜିଲ୍ଲା ପ୍ରଶାସନ (୨୭ ଏବଂ ୨୮ ଫେବୃଆରୀ) ପାଇଁ ‘ଜନତା କର୍ଫ୍ୟୁ’ ଲାଗୁ କରିବାକୁ ନିଷ୍ପତ୍ତି ନେଇଛି।
ସୋସିଆଲ ମିଡିଆରେ ଏକ ଭିଡିଓରେ ଲାତୁର କଲେକ୍ଟର ପ୍ରୀତିରାଜ ବିପି କହିଛନ୍ତି ଯେ, କର୍ଫ୍ୟୁ ଅବଧିରେ କେବଳ ଜରୁରୀ ସେବା କାର୍ଯ୍ୟ କରିବ। ରାଜ୍ୟରେ ସଂକ୍ରମଣ ବୃଦ୍ଧି ସତ୍ତ୍ୱେ ପରିସ୍ଥିତି ନିୟନ୍ତ୍ରଣରେ ଥିବାରୁ ସେ କୌଣସି ଲୋକ ଭୟଭୀତ ନହେବାକୁ ସେ କହିଛନ୍ତି।
ସନ୍ଧ୍ୟାରେ ସୋସିଆଲ ମିଡିଆ ପ୍ଲାଟଫର୍ମରେ ସେ ତାଙ୍କ ଭିଡିଓରେ କହିଛନ୍ତି, “ଜନତା କର୍ଫ୍ୟୁ ସମୟରେ କେବଳ ଜରୁରୀ ସେବା କାର୍ଯ୍ୟକ୍ଷମ ରହିବ। ସାରା ରାଜ୍ୟରେ କରୋନା ଭାଇରସ ରୋଗୀଙ୍କ ସଂଖ୍ୟା ବୃଦ୍ଧି ପାଉଛି, କିନ୍ତୁ ଲାତୁର ଜିଲ୍ଲା ଅପେକ୍ଷାକୃତ ଭଲ ସ୍ଥିତିରେ ଅଛି।”
କଲେକ୍ଟର ଜୋର ଦେଇଛନ୍ତି ଯେ, ବିନା କାରଣରେ ଲୋକମାନେ ବାହାରକୁ ଯିବା ଜରୁରୀ ନୁହେଁ, ଘର ଭିତରେ ରହିବା ଫଳରେ ରାଜ୍ୟରେ କୋଭିଡ -୧୯ ବିସ୍ତାରକୁ ରୋକିବାରେ ସହାୟକ ହେବ।
ପରିସ୍ଥିତିକୁ ନିୟନ୍ତ୍ରଣ କରିବାକୁ ପ୍ରଶାସନ ପ୍ରସ୍ତୁତ, କିନ୍ତୁ ଜୀବାଣୁ ବିସ୍ତାରକୁ ରୋକିବା ପାଇଁ ନାଗରିକମାନଙ୍କୁ ଶନିବାର ଏବଂ ରବିବାର ଦିନ ଆବଶ୍ୟକୀୟ ସେବା ଛାଡି ବାହାରକୁ ନଯିବାକୁ ଅନୁରୋଧ କରାଯାଇଛି। ଆମେ ଏହା ମାଧ୍ୟମରେ ଭୂତାଣୁ ସଂକ୍ରମଣ ଶୃଙ୍ଖଳା ଭାଙ୍ଗି ପାରିବା ବୋଲି କଲେକ୍ଟର କହିଛନ୍ତି।
ସେ କହିଛନ୍ତି, “ଯେଉଁମାନେ ସର୍ବସାଧାରଣ ସ୍ଥାନରେ ମାସ୍କ ପିନ୍ଧନ୍ତି ନାହିଁ ସେମାନଙ୍କୁ ଜରିମାନା କରାଯିବ।” କଲେକ୍ଟର କହିଛନ୍ତି ଯେ, ନାଗରିକମାନେ ପୋଲିସ ସହିତ ସହଯୋଗ କରିବା ଉଚିତ୍।
