ନୂଆଦିଲ୍ଲୀ: ୨୩-୧ (ଓଡିଆ ପୁଅ) ଦେଶର ସବୁଠାରୁ ଧନୀ ଶିଳ୍ପପତି ମୁକେଶ ଅମ୍ବାନୀଙ୍କ ଟେଲିକମ୍ କମ୍ପାନୀ ରିଲାଏନ୍ସ ଜିଓ ଅନ୍ତର୍ଜାତୀୟ ବଜାରରେ ସ୍ୱଦେଶୀ 5G ଟେକ୍ନୋଲୋଜି ପ୍ରଚଳନ କରିବାକୁ ପ୍ରସ୍ତୁତ ହେଉଛି। ଏକ ବିବୃତ୍ତିରେ କମ୍ପାନୀ ଏହାର ସୂଚନା ଦେଇଛି।
ସୁଲଭ ମୂଲ୍ୟରେ ଏହାସାରା ବିଶ୍ବରେ ଉପଲବ୍ଧ ହେବ
ରିଲାଏନ୍ସ ଇଣ୍ଡଷ୍ଟ୍ରିଜ୍ ଚେୟାରମ୍ୟାନ୍ ମୁକେଶ ଅମ୍ବାନୀ କହିଛନ୍ତି ଯେ, ରିଲାଏନ୍ସ ଜିଓ ଭାରତରେ ତଥା ବିଶ୍ବରେ ଏହାର ସ୍ୱଦେଶୀ ୫G ଟେକ୍ନୋଲୋଜିକୁ ଆରମ୍ଭ କରିବାକୁ ପ୍ରସ୍ତୁତ। ଅମ୍ବାନୀ କହିଛନ୍ତି ଯେ ୫G ଟେକ୍ନୋଲୋଜି ବିଶ୍ୱରେ ସୁଲଭ ମୂଲ୍ୟରେ ଉପଲବ୍ଧ ହେବ।
ରିଲାଏନ୍ସ ଜିଓ ଆମେରିକାରେ ଏହାର 5G ଟେକ୍ନୋଲୋଜିକୁ ସଫଳତାର ସହିତ ପରୀକ୍ଷା କରିଛି। ଭାରତରେ 5G ର ପରୀକ୍ଷା ଏପର୍ଯ୍ୟନ୍ତ ଆରମ୍ଭ ହୋଇନାହିଁ, କାରଣ ଏଥିପାଇଁ ଆବଶ୍ୟକ ସ୍ପେକ୍ଟ୍ରମ୍ ଏପର୍ଯ୍ୟନ୍ତ ଉପଲବ୍ଧ ନାହିଁ। ମାର୍ଚ୍ଚରେ ସ୍ପେକ୍ଟ୍ରମର ନିଲାମ ଅନୁଷ୍ଠିତ ହେବ। କମ୍ପାନୀ କହିଛି ଯେ ଖୁବ୍ ଶୀଘ୍ର ଭାରତରେ ମଧ୍ୟ 5G ଟେକ୍ନୋଲୋଜି ପରୀକ୍ଷା କରାଯିବ। ଆଶା କରାଯାଉଛିଯେ, ଚଳିତବର୍ଷ ମଧ୍ୟଭାଗରେ ଏହା ସମ୍ଭବ ହେବ।
ଅମ୍ବାନୀ 2G ମୁକ୍ତ ଭାରତ ଆହ୍ବାନ କରି କହିଥିଲେ ଯେ ଭାରତକୁ 2G ମୁକ୍ତ କରିବାକୁ ଜିଓ ପ୍ରତିବଦ୍ଧ। ପ୍ରତ୍ୟେକ ଭାରତୀୟଙ୍କର ଏକ ସୁଲଭ ସ୍ମାର୍ଟଫୋନର ମାଲିକାନା ଏବଂ ଡିଜିଟାଲ ଏବଂ ଡାଟା ବିପ୍ଳବରେ ଅଂଶଗ୍ରହଣ କରିବାର ଅଧିକାର ଅଛି। ଆମେ ପ୍ରତ୍ୟେକ ହିତାଧିକାରୀଙ୍କୁ ଅନୁରୋଧ କରୁଛୁ ଯେ ପ୍ରତ୍ୟେକ ଭାରତୀୟ ଗ୍ରାହକଙ୍କୁ ସୁଲଭ ମୂଲ୍ୟରେ ବିଶ୍ୱ ସ୍ତରୀୟ ଡିଜିଟାଲ ସେବା ଯୋଗାଇବା ପାଇଁ ମିଳିତ ଭାବରେ କାର୍ଯ୍ୟ କରିବାକୁ।
ଡିସେମ୍ବରରେ ଜିଓର ନିଟ୍ ଲାଭ ଥିଲା ୩, ୪୮୯ କୋଟି ଟଙ୍କା।
ମୁକେଶ ଅମ୍ବାନୀ ୨୦୨୧ ର ଦ୍ୱିତୀୟାର୍ଦ୍ଧରେ ୫G ସେବା ଆରମ୍ଭ କରିବାକୁ ଘୋଷଣା କରିସାରିଛନ୍ତି। ଡିସେମ୍ବର ମାସରେ କମ୍ପାନୀର ନିଟ୍ ଲାଭ ୧୫.୫ ପ୍ରତିଶତ ବୃଦ୍ଧି ପାଇ ୩, ୪୮୯ କୋଟି ଟଙ୍କା ହୋଇଛି। ଡିସେମ୍ବର ୨୦୨୦ ଶେଷ ସୁଦ୍ଧା, ମୋଟ ୪୧.୮ କୋଟି ଗ୍ରାହକ ରିଲାଏନ୍ସ ଜିଓ ନେଟୱାର୍କ ସହିତ ସଂଯୁକ୍ତ ହୋଇଛନ୍ତି।
