ନୂଆ ଦିଲ୍ଲୀ ୨୨-୧ (ଓଡ଼ିଆ ପୁଅ) କେନ୍ଦ୍ର ସରକାରଙ୍କ ତିନୋଟି କୃଷି ନିୟମକୁ ବିରୋଧ କରି ଗଣତନ୍ତ୍ର ଦିବସ ଅବସରରେ ପ୍ରସ୍ତାବିତ ଟ୍ରାକ୍ଟର ରାଲି କରିବାକୁ ଯାଉଛନ୍ତି କୃଷକ ସଂଗଠନ। ଏହି କୃଷକଙ୍କ ଆନ୍ଦୋଳନକୁ ଦୃଷ୍ଟିରେ ରଖି ହରିୟାଣା ପୋଲିସ ଏହାର ବରିଷ୍ଠ ଅଧିକାରୀଙ୍କ ଛୁଟିକୁ ବାତିଲ କରିଦେଇଛି। ଏ ସମ୍ପର୍କରେ ବିଭାଗ ପକ୍ଷରୁ ନୋଟିସ ମଧ୍ୟ ଜାରି କରାଯାଇଛି।
କୃଷକଙ୍କ ପ୍ରସ୍ତାବିତ ଆନ୍ଦୋଳନକୁ ଦୃଷ୍ଟିରେ ରଖି ହରିୟାଣା ପୋଲିସ ଏହାର ସମସ୍ତ ବରିଷ୍ଠ ଅଧିକାରୀଙ୍କ ଛୁଟି ୨୬ ଜାନୁଆରୀ ଗୁରୁବାର ଦିନ ପର୍ଯ୍ୟନ୍ତ ବାତିଲ କରିବାକୁ ନିର୍ଦ୍ଦେଶ ଜାରି କରିଛି। ତେବେ ଜରୁରୀକାଳୀନ କାରଣ ବ୍ୟତୀତ ଅନ୍ୟ କୌଣସି କାରଣରୁ ଛୁଟି ଦିଆଯିବ ନାହିଁ ବୋଲି ଆଦେଶରେ କୁହାଯାଇଛି।
ସୂଚନାୟୋଗ୍ୟଯେ, ବିରୋଧୀ କୃଷକମାନେ କୃଷି ଆଇନ ପ୍ରତ୍ୟାହାର ଦାବିରେ ଟ୍ରାକ୍ଟର ରାଲି ଆୟୋଜନ କରିବାକୁ ଜିଦ୍ ଧରିଛନ୍ତି। କୃଷକ ସଂଗଠନର ନେତାମାନେ କହିଛନ୍ତି ଯେ ଗଣତନ୍ତ୍ର ଦିବସରେ କୃଷକମାନେ ରିଙ୍ଗ ରୋଡରେ ଟ୍ରାକ୍ଟର ଯାତ୍ରା କରିବେ। ଏହି ଯାତ୍ରା ଶାନ୍ତିପୂର୍ଣ୍ଣ ଭାବରେ ହେବ ବୋଲି କୃଷକ ନେତାମାନେ ଦାବି କରିଛନ୍ତି। ମାର୍ଚ୍ଚରେ ଟ୍ରାକ୍ଟର ପ୍ରାୟ ୫୦ କିଲୋମିଟର ଯାତ୍ରା କରିବ।
କୃଷକମାନେ ୨୬ ଜାନୁଆରୀରେ କୃଷି ଆଇନକୁ ବିରୋଧ କରି ଟ୍ରାକ୍ଟର ଯାତ୍ରା କରିବାକୁ ଘୋଷଣା କରିସାରିଛନ୍ତି। ବୁଧବାର ପୁଣିଥରେ ସୁପ୍ରିମକୋର୍ଟ ଟ୍ରାକ୍ଟର ରାଲି ମାମଲାରେ ହସ୍ତକ୍ଷେପ କରିବାକୁ ମନା କରିଦେଇଛନ୍ତି। କୋର୍ଟ କହିଛନ୍ତି ଯେ କେବଳ ଦିଲ୍ଲୀ ପୋଲିସ ଏହାକୁ ଅନୁମତି ଦେଇପାରିବ।
ବୁଧବାର ଦେଶର ସର୍ବବୃହତ କୋର୍ଟରେ ଶୁଣାଣି ବେଳେ ପ୍ରଧାନ ବିଚାରପତି କହିଛନ୍ତି ଯେ ଟ୍ରାକ୍ଟର ରାଲି ସମ୍ପର୍କରେ ଆମେ କୌଣସି ନିଷ୍ପତ୍ତି ଦେବୁ ନାହିଁ। କୋର୍ଟ କୌଣସି ରାଲି ବନ୍ଦ କରିବା ଠିକ୍ ନୁହେଁ। ଦିଲ୍ଲୀ ପୋଲିସ ଏ ସମ୍ପର୍କରେ ନିଷ୍ପତ୍ତି ନେବା ଉଚିତ୍।
