ନୂଆ ଦିଲ୍ଲୀ ୧୭-୧ (ଓଡ଼ିଆ ପୁଅ) ୧୦୦ ଜଣ ପୂର୍ବତନ ପ୍ରଶାସନିକ ଅଧିକାରୀଙ୍କ ଏକ ସମୂହ ପ୍ରଧାନମନ୍ତ୍ରୀ ମୋଦୀଙ୍କୁ ଶନିବାରଦିନ ଏକ ଖୋଲା ଚିଠି ଲେଖି ପ୍ରଧାନମନ୍ତ୍ରୀ କେୟାର ଫଣ୍ଡର ସ୍ୱଚ୍ଛତା ଉପରେ ପ୍ରଶ୍ନ କରିଛନ୍ତି। ପୂର୍ବତନ ଅଧିକାରୀମାନେ କହିଛନ୍ତି ଯେ, ସନ୍ଦେହ ଦୂର କରିବା ଏବଂ ଜନସାଧାରଣଙ୍କୁ ଜବାବ ଦେବା ପାଇଁ PM କେୟାର ଫଣ୍ଡରେ ସ୍ୱଚ୍ଛତା ଆଣିବାର ଆବଶ୍ୟକତା ରହିଛି। ଏଥିସହ ଜନସାଧାରଣ ଏହି ପାଣ୍ଠିରେ କେତେ ଟଙ୍କା ଦେଇଛନ୍ତି ଏବଂ ଏହି ଟଙ୍କାର କେଉଁ ପ୍ରକାରର ବ୍ୟବହାର କରାଯାଇଛି ତାହା କହିବା ଉଚିତ୍।
ସେମାନେ କହିଛନ୍ତି ଯେ, ଏହି ଚିଠି ଲେଖିବାର କାରଣ ହେଉଛି ଯେ, ଆରଟିଆଇ ଅଧୀନରେ ପିଏମ କେୟାର୍ସ ଫଣ୍ଡ ବିଷୟରେ ସୂଚନା ଦେବାକୁ ମନା କରାଯାଇଛି ଏବଂ ଏହା ଏକ ସାର୍ବଜନିକ ପ୍ରକରଣ ନୁହେଁ ବୋଲି କୁହାଯାଇଛି। ଏହି କାରଣରୁ ଆମକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଖୋଲା ଚିଠି ଲେଖିବାକୁ ପଡିଲା। ଏହି ପୂର୍ବତନ ଅମଲାତନ୍ତ୍ର ଅଧିକାରୀମାନେ ପଚାରିଛନ୍ତି ଯେ ଯଦି ପ୍ରଧାନମନ୍ତ୍ରୀ କେୟାର ପାଣ୍ଠି ଏକ ସର୍ବସାଧାରଣ କର୍ତ୍ତୃପକ୍ଷ ନୁହଁନ୍ତି, ତେବେ ପ୍ରଧାନମନ୍ତ୍ରୀ, ଅର୍ଥମନ୍ତ୍ରୀ, ଗୃହମନ୍ତ୍ରୀ, ପ୍ରତିରକ୍ଷା ମନ୍ତ୍ରୀ ଯିଏ କି ସରକାରରଙ୍କର ସଦସ୍ୟ, ସେମାନେ ସେମାନଙ୍କର ପଦ ଏବଂ ଅଧିକାର ସହାୟତାରେ ଏହି ପାଣ୍ଠିର ଟ୍ରଷ୍ଟି କିପରି ଅଟନ୍ତି।
ସୂଚନାଯୋଗ୍ୟଯେ, ଏହି ଅଧିକାରୀ ମାନଙ୍କ ମଧ୍ୟରେ ପୂର୍ବତନ ଆଇଏଏସ୍ ଅନୀତା ଅଗ୍ନିହୋତ୍ରୀ, ଏସପି ଆମ୍ବ୍ରୋଜ, ଶରଦ ବେହାର, ସାଜଜାଦ ହାସନ, ହର୍ଷ ମାଣ୍ଡେର, ଅରୁଣା ରାୟ, ଦେବ ମୁଖାର୍ଜୀ, ସୁଜତା ସିଂ, ଏସସି ବହର, କେ ସୁଜଥା ରାଓ, ଏଏସ ଦୁଲତ ଅଛନ୍ତି।
