ଇ କମର୍ସର ସମ୍ପ୍ରସାରଣ ଏବଂ ନୂତନ ବ୍ୟବସାୟ ପ୍ରକ୍ରିୟା ଗତ କିଛି ବର୍ଷ ମଧ୍ୟରେ ଏକ ନାଟକୀୟ ଢଙ୍ଗରେ ରୂପାନ୍ତରିତ ହୋଇଛି।
ଏହି ପରିବର୍ତ୍ତନଗୁଡିକୁ ଦୃଷ୍ଟିରେ ରଖି ବିଦ୍ୟମାନ ସିପିଏ (CPA-Consumers Protection Act)କୁ ମଜବୁତ କରିବା ପାଇଁ GOI ସମସ୍ତ ହିତାଧିକାରୀଙ୍କ ସହିତ ସିରିଜ୍ ଆଲୋଚନା କରୁଛନ୍ତି।
ନୂଆଦିଲ୍ଲୀ ୨୧ ଜୁନ୍ (ଓଡିଆ ପୁଅ) ଉପଭୋକ୍ତା ବ୍ୟାପାର ବିଭାଗ, ଭାରତ ସରକାର ୬ ଜୁଲାଇ, ୨୦୨୧ ସୁଦ୍ଧା ଗ୍ରାହକ ସୁରକ୍ଷା ଆଇନରେ ପ୍ରସ୍ତାବିତ ସଂଶୋଧନ ଉପରେ ମନ୍ତବ୍ୟ / ପରାମର୍ଶ ଲୋଡିଛନ୍ତି।
ଇ-ବାଣିଜ୍ୟ ଏବଂ ଅନ୍ୟାନ୍ୟ ବଜାରର ବିକାଶ ପରି ନୂତନ ବ୍ୟବସାୟ ପ୍ରକ୍ରିୟା ଗ୍ରାହକମାନେ ଆଜିକାଲି କାରବାର କରିବାର ପଦ୍ଧତିକୁ ପରିବର୍ତ୍ତନ କରିଛନ୍ତି। ଏହି ପରିବର୍ତ୍ତନଗୁଡିକୁ ଦୃଷ୍ଟିରେ ରଖି ବିଦ୍ୟମାନ ସିପିଏକୁ ମଜବୁତ କରିବା ପାଇଁ GOI ସମସ୍ତ ହିତାଧିକାରୀଙ୍କ ସହ ଅନେକ ଆଲୋଚନା କରିଆସୁଛନ୍ତି। ଏଥିମଧ୍ୟରେ ବାଣିଜ୍ୟ ଏବଂ ଶିଳ୍ପ ସଙ୍ଗଠନ, ଉପଭୋକ୍ତା ଅଧିକାର ଗୋଷ୍ଠୀ, ଭାରତ ସରକାରଙ୍କ ବିଭିନ୍ନ ମନ୍ତ୍ରଣାଳୟ ଏବଂ ଅନ୍ୟାନ୍ୟ ଏଜେନ୍ସି ଅନ୍ତର୍ଭୁକ୍ତ। ବିଭିନ୍ନ ନୂତନ ଚିନ୍ତାଧାରା ଏବଂ ପରାମର୍ଶଗୁଡ଼ିକ ଅନେକ ନୂତନ ଡ୍ରାଫ୍ଟ ଗ୍ରାହକ ସୁରକ୍ଷା ଅଧିନିୟମରେ ଅନ୍ତର୍ଭୁକ୍ତ।
ଏହି ନୂତନ ପଏଣ୍ଟଗୁଡିକ ମଧ୍ୟରେ
– ଜଣେ ମୁଖ୍ୟ ଅନୁପାଳନ ଅଧିକାରୀଙ୍କ ନିଯୁକ୍ତି (Appointment of a Chief Compliance Officer)
– ଜଣେ “ଆବାସିକ ଅଭିଯୋଗ ଅଧିକାରୀ”ଙ୍କର ନିଯୁକ୍ତି (Appointment of a “Resident Grievance Officer)
– “କ୍ରସ୍-ସେଲ୍”
– “ଫଲ ବ୍ୟାକ୍ ଲାଇବିଲିଟି”,
– “ଫ୍ଲାସ୍ ସେଲ୍”,
ଇ-ବାଣିଜ୍ୟ ସଂସ୍ଥାଗୁଡ଼ିକର ପଞ୍ଜୀକରଣ,
ଇ-ବାଣିଜ୍ୟ ସଂସ୍ଥା ଏହାର ପ୍ଲାଟଫର୍ମରେ ବ୍ୟବସାୟ ସମୟରେ କିମ୍ବା ଅନ୍ୟଥା ବିଭ୍ରାନ୍ତିକର ବିଜ୍ଞାପନର ଯେକୌଣସି ପ୍ରଦର୍ଶନ କିମ୍ବା ପ୍ରୋତ୍ସାହନକୁ ଅନୁମତି ଦେଇପାରିବେ ନାହିଁ।
ଉପଭୋକ୍ତା ବ୍ୟାପାର ବିଭାଗ ଉପଭୋକ୍ତା ସୁରକ୍ଷା (ଇ-ବାଣିଜ୍ୟ) ନିୟମ, ୨୦୨୦ ରେ ପ୍ରସ୍ତାବିତ ସଂଶୋଧନ ଉପରେ ମତାମତ / ମନ୍ତବ୍ୟ / ପରାମର୍ଶ ଲୋଡିଛି।
ପ୍ରସ୍ତାବିତ ସଂଶୋଧନଗୁଡ଼ିକ ଉପରେ ମନ୍ତବ୍ୟ ପରାମର୍ଶ ୧୫ ଦିନ ମଧ୍ୟରେ (୬ ଜୁଲାଇ ୨୦୨୧ ସୁଦ୍ଧା) [email protected] କୁ ଇମେଲ ମାଧ୍ୟମରେ ପଠାଯାଇପାରିବେ।
