ନୂଆ ଦିଲ୍ଲୀ ୨୩-୯ (ଓଡ଼ିଆ ପୁଅ) ଗତ ସପ୍ତାହରେ କ୍ରମାଗତ ଭାବେ ଶେଷ ଚାରି ଦିନ ସୁନାର ଦର ଖସୁଥିଲା। କିନ୍ତୁ ଚଳିତ ସପ୍ତାହରେ କ୍ରମାଗତ ଭାବେ ଦୁଇଦିନ ହେବ ବଢ଼ୁଛି ସୁନା ଦର।
ସୋମବାରଦିନ ଦିଲ୍ଲୀ ସର୍ରାଫା ବଜାରରେ ସୁନାର ଦର ୧୩୦ ଟଙ୍କା ବଢ଼ିକରି ୩୮,୬୯୦ ଟଙ୍କା ପ୍ରତି ୧୦ ଗ୍ରାମ ହୋଇଥିଲା ବେଳେ ଆଜି ପୁଣି ୩୨୦ ଟଙ୍କା ବଢ଼ି ୩୯,୦୨୦ ଟଙ୍କା ପ୍ରତି ୧୦ ଗ୍ରାମ ହୋଇଛି। ସୂଚନାମତେ, ଶନିବାରଦିନ ୨୪ କ୍ୟାରେଟ ସୁନାର ଦର ୩୮,୫୬୦ ଟଙ୍କା ପ୍ରତି ୧୦ ଗ୍ରାମ ଥିଲା।
ସେହିପରି ରୁପାର ଦର ମଧ୍ୟ ବଢ଼ିଛି। ରୁପାର ଦର ସୋମବାର ଦିନ ୯୦୦ ଟଙ୍କା ବଢ଼ି ୪୭,୯୯୦ ଟଙ୍କା ପ୍ରତି କିଲୋଗ୍ରାମ ହୋଇଥିଲା ବେଳେ ଆଜି ମଙ୍ଗଳବାର ଦିନ ପୁଣି କିଲୋଗ୍ରାମ ପ୍ରତି ୭୩୦ ଟଙ୍କା ବଢ଼ି ୪୮, ୭୨୦ ଟଙ୍କା ହୋଇଛି।
ସୂଚନାଯୋଗ୍ୟଯେ, ଗତ ସପ୍ତାହରେ ଶନିବାରଦିନ ରୁପା ୪୭,୦୯୦ ଟଙ୍କା ପ୍ରତି କିଲୋଗ୍ରାମ ଥିଲା।
