ନୂଆଦିଲ୍ଲୀ ୧୭ ମଇ (ଓଡିଆ ପୁଅ) : କରୋନା ରୋଗୀଙ୍କ ପାଇଁ ଅତ୍ୟନ୍ତ ପ୍ରଭାବଶାଳୀ ବୋଲି ବିବେଚନା କରାଯାଉଥିବା ‘2DG’ ଔଷଧ ସୋମବାର ଦିନ ଲଞ୍ଚ ହେବ। ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ଦ୍ୱାରା ଏହି ଔଷଧ ପ୍ରସ୍ତୁତ କରାଯାଇଛି। ଦିଲ୍ଲୀର DRDO ଭବନରେ ଆୟୋଜିତ ହେବାକୁ ଥିବା ଏହି କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରୀ ଚୟନ ଡାକ୍ତରଖାନାର ଡାକ୍ତରମାନଙ୍କୁ ୧୦, ୦୦୦ ମେଡିସିନ୍ ପ୍ୟାକେଟ୍ ହସ୍ତାନ୍ତର କରିବେ। ଏହି ଔଷଧର ବ୍ୟବହାର ଅମ୍ଳଜାନ ଉପରେ କରୋନା ରୋଗୀଙ୍କ ନିର୍ଭରଶୀଳତାକୁ ହ୍ରାସ କରିଥାଏ। ଦେଶରେ କରୋନା ରୋଗ ବଢ଼ୁଥିବା ବେଳେ ଏହି ଔଷଧ ରୋଗୀଙ୍କ ପାଇଁ ଆଶା ବଢ଼ାଇବାକୁ ଯାଉଛି।
ଡକ୍ଟର ରେଡ୍ଡୀ ଲ୍ୟାବ ସହଯୋଗରେ DRDO ର ଇନମାସ୍ ଲ୍ୟାବ୍ର ବୈଜ୍ଞାନିକମାନେ ଏହି ଔଷଧ ପ୍ରସ୍ତୁତ କରିଛନ୍ତି। ରୋଗୀମାନଙ୍କ ଉପରେ ଏହି ଔଷଧର ବ୍ୟବହାରକୁ DCGI ମଧ୍ୟ ଅନୁମୋଦନ କରିଛି। ପ୍ରାୟ ୧୧୦ ରୋଗୀଙ୍କ ଉପରେ DRDO ଏହି ଔଷଧ ପରୀକ୍ଷଣ ହୋଇଛି। ଏହାରର ଫଳାଫଳ ବହୁତ ଭଲ ହୋଇଛି। ପରୀକ୍ଷଣରେ ଏହା ଜଣାପଡିଛି ଯେ କରୋନା ଭୂତାଣୁ ମୁକାବିଲା କରିବାରେ ଏହି ଔଷଧ ଅତ୍ୟନ୍ତ ପ୍ରଭାବଶାଳୀ ଅଟେ। ଏହାର ବ୍ୟବହାର ସହିତ ରୋଗୀ ଶୀଘ୍ର ଭଲ ହୋଇଯାଏ। ଏହା ଏକ ପ୍ରକାର ସିଉଡୋ ଗ୍ଲୁକୋଜ, ଯାହା ଭୂତାଣୁ ବୃଦ୍ଧି ହେବାର କ୍ଷମତାକୁ ପ୍ରତିରୋଧ କରିଥାଏ। ଏହି ଔଷଧ ଏକ ପାଉଡର ପରି, ଯାହା ସହଜରେ ପାଣିରେ ଘୋଳି ପାନ କରିପାରିବେ। ଏହି ଔଷଧ କରୋନାର ରୋଗୀଙ୍କ ପାଇଁ ଏକ ପାନିୟ ବୋଲି କୁହାଯାଇପାରେ।
