ଗୌହାଟୀ ୭-୩ (ଓଡ଼ିଆ ପୁଅ) ଆସାମରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଆସାମ ବିଜେପି ମନ୍ତ୍ରୀ ସୁମ ରୋଙ୍ଗଙ୍ଗଙ୍କୁ ଟିକେଟ ମନା ନମିଳିବାରୁ ରବିବାର ଦିନ ସେ ବିରୋଧୀ ଦଳ କଂଗ୍ରେସ ସହ ହାତ ମିଳାଇଛନ୍ତି। ଏଥିରେ ଅସନ୍ତୁଷ୍ଟ ମନ୍ତ୍ରୀ ବିଜେପି ଦଳର ସଦସ୍ୟଙ୍କୁ ମଧ୍ୟ ତାଙ୍କ ବିରୋଧରେ ଷଡଯନ୍ତ୍ର କରିଥିବା ଅଭିଯୋଗ କରିଛନ୍ତି। ତାଙ୍କ ଦ୍ୱାରା ପରିଚାଳିତ ଡିଫୁ ନିର୍ବାଚନମଣ୍ଡଳୀରୁ କଂଗ୍ରେସ ସୁମ ରୋଙ୍ଗଙ୍ଗଙ୍କୁ ପ୍ରାର୍ଥୀ କରିବାର ସମ୍ଭାବନା ରହିଛି।
ପାହାଡ ଅଞ୍ଚଳର ବିକାଶ ତଥା ଖଣି ମନ୍ତ୍ରୀ ସୁମ ରୋଙ୍ଗଙ୍ଗ, ଏଆଇସିସି ସାଧାରଣ ସମ୍ପାଦକ ଜିତେନ୍ଦ୍ର ସିଂ ଏବଂ ଦଳର ରାଜ୍ୟ ୟୁନିଟ୍ ମୁଖ୍ୟ ରିପୁନ୍ ବୋରାଙ୍କ ଉପସ୍ଥିତିରେ କଂଗ୍ରେସ ଦଳରେ ଯୋଗ ଦେଇଛନ୍ତି।
ମନ୍ତ୍ରୀ କହିଛନ୍ତିଯେ, “ମୋତେ ଟିକେଟ୍ ପ୍ରତ୍ୟାଖ୍ୟାନ କରିବା ପରେ ମୋତେ ଭଲ ଲାଗିଲା ନାହିଁ। ମୁଁ ସମ୍ପୂର୍ଣ୍ଣ ଉତ୍ସର୍ଗୀକୃତ ଭାବରେ ମୋର କର୍ତ୍ତବ୍ୟ ସମ୍ପାଦନ କରିଥିଲି। କିଛି ବ୍ୟକ୍ତିଙ୍କ ଷଡଯନ୍ତ୍ର ହେତୁ ମୁଁ ଟିକେଟ୍ ପାଇଲି ନାହିଁ।”
“ମୁଁ ଅନୁଭବ କଲି ଯେ ମୁଁ ବିଜେପିରେ ରହି ମୋର ଲୋକଙ୍କ ସେବା କରିପାରିବି ନାହିଁ। ସେଥିପାଇଁ ମୁଁ ଦଳ ଛାଡି କଂଗ୍ରେସରେ ଯୋଗ ଦେଇଛି।”
ରୋଙ୍ଗାଙ୍ଗଙ୍କୁ ଟିକେଟ ଦିଆଯିବ କି ନାହିଁ ସେ ସମ୍ପର୍କରେ ବୋରା କୌଣସି ମନ୍ତବ୍ୟ ଦେବାକୁ ମନା କରିଦେଇଥିଲେ ମଧ୍ୟ କାର୍ବି ଆଙ୍ଗ୍ଲୋଙ୍ଗ ଜିଲ୍ଲାର ଦିଫୁ ଆସନ ପାଇଁ ତାଙ୍କ ନାମ ବିଚାର କରାଯାଉଛି ବୋଲି କଂଗ୍ରେସ ସୂତ୍ରରୁ ପ୍ରକାଶ।
