ad
ଓଡ଼ିଶା

ଡ୍ରଗ୍ସ କନେକ୍ସନରେ ୫ ଅଭିନେତ୍ରୀଙ୍କ ନାମ, ଖୋଲିଲା ‘D N S K’ କୋଡ୍ ଚାଟ

ନୂଆ ଦିଲ୍ଲୀ ୨୨-୯ (ଓଡ଼ିଆ ପୁଅ) ସୁଶାନ୍ତ ସିଂ ରାଜପୁତ ମାମଲାର ଅନୁସନ୍ଧାନ କରୁଥିବା ଏନସିବି ଧୀରେ ଧୀରେ ବଲିଉଡ ଡ୍ରଗ୍ ଚେନର ଗୋଟିଏ ପରେ ଗୋଟିଏ କଢ଼ି ଯୋଡ଼ି ଚାଲିଛି। ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋର ଏହି ଅନୁସନ୍ଧାନରେ ଏପର୍ଯ୍ୟନ୍ତ ଅନେକ ଗିରଫ ହେଲେଣି ଏବଂ ଆହୁରି ଅନେକ ଗିରଫ ହେବାର ସମ୍ଭାବନା ରହିଛି। ଏହି ଘଟଣାରେ ଏପର୍ଯ୍ୟନ୍ତ ୫ ଜଣ ଅଭିନେତ୍ରୀଙ୍କ ନାମ ଏବେ ଜାତୀୟ ଗଣାାଧ୍ୟମରେ ମୁଖ୍ୟ ଖବର ପାଲଟିଛି।

ଦୀପିକା ପାଦୁକୋନ
ନିକଟରେ ପ୍ରକାଶ ପାଇଥିବା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋରେ ଦୀପିକା ପାଦୁକୋନଙ୍କ ନାମ ଆସିଛି। ବାସ୍ତବରେ, ଏନସିବିର ଏହି ଅନୁସନ୍ଧାନରେ ଦୀପିକା ପାଦୁକୋନଙ୍କ ଏବଂ ଜୟା ସାହା ମ୍ୟାନେଜର କରିସ୍ମାଙ୍କ ସହ ବାର୍ତ୍ତାଳାପର ଚାଟ୍ ଆସିଛି। ଜୟା ସାହା ସୁଶାନ୍ତ ସିଂ ରାଜପୁତଙ୍କ ପ୍ରତିଭା ପରିଚାଳକ ଥିଲେ, ଯାହାଙ୍କୁ ଏନସିବି ପଚରା ଉଚରା କରିଛି।

ଶ୍ରଦ୍ଧା କପୁର

ସୁଶାନ୍ତଙ୍କ ପ୍ରତିଭା ପରିଚାଳକ ଜୟା ସାହା ଏବଂ ଅଭିନେତ୍ରୀ ଶ୍ରଦ୍ଧା କପୁରଙ୍କ ଚାଟ୍ ମଧ୍ୟ ସାମ୍ନାକୁ ଆସିଛି ଯେଉଁଥିରେ ଶ୍ରଦ୍ଧା ଜୟାଙ୍କ ଠାରୁ ସିବିଡି ତେଲ ଚାହୁଁଛନ୍ତି। ଏହା ଏକ ପ୍ରକାର ଡ୍ରଗ୍ସ। ତେବେ ଜୟା କହିଛନ୍ତି ଯେ, ଏହି ତେଲ ଆଇନଗତ ଅଟେ।

ନମ୍ରତା ଶିରୋଦକର

ଅନୁସନ୍ଧାନରୁ ଜଣାପଡିଛି ଯେ ଚାଟ୍ ସମୟରେ କିଛି ଇଂରାଜୀ ଅକ୍ଷର କୋଡ୍ ଭାବରେ ବ୍ୟବହୃତ ହୋଇଥିଲା। ଏହି ସଂକେତଗୁଡିକ ଡିକୋଡିଂ କରିବା ସମୟରେ ନମ୍ରତା ଶିରୋଦକରଙ୍କ ନାମ ମଧ୍ୟ ବାହାରିଲା। ସଂକେତ ଅନୁଯାୟୀ, D ହେଉଛି N K (D ର ଅର୍ଥ ଦୀପିକା ପାଦୁକୋନ, N ର ଅର୍ଥ ନମ୍ରତା ଶିରୋଦକର, S ର ଅର୍ଥ ଶ୍ରଦ୍ଧା କପୁର ଏବଂ କେ ଅର୍ଥ କରିସ୍ମା ପ୍ରକାଶ)।

ରାକୁଲ ପ୍ରୀତ

ଡ୍ରଗ୍ସ କାର୍ଟେଲ ମାମଲାରେ ରକୁଲ ପ୍ରୀତଙ୍କ ନାମ ମଧ୍ୟ ପୂର୍ବରୁ ପ୍ରକାଶ ପାଇଛି। ନାମ ପଦାକୁ ଆସିବା ପରେ ରକୁଲ ପ୍ରୀତ ସିଂ ଦିଲ୍ଲୀ ହାଇକୋର୍ଟରେ ଆବେଦନ କରିଥିଲେ। ତାଙ୍କ ବିରୋଧରେ ମିଡିଆ କଭରେଜ ବନ୍ଦ କରିବାକୁ ସେ ଦାବି କରିତିଲେ। ସେ କହିତିଲେଯେ, ତାଙ୍କ ଭାବମୂର୍ତ୍ତିକୁ ଖରାପ କରିବାକୁ ଉଦ୍ୟମ କରାଯାଉଛି।

ସାରା ଅଲି ଖାନ୍

ସୁଶାନ୍ତଙ୍କ ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ସହ ପଚରାଉଚରା ବେଳେ ଶ୍ରଦ୍ଧା କପୁରଙ୍କ ନାମ ମଧ୍ୟ ଏନସିବିରେ ପ୍ରକାଶ ପାଇଥିଲା। ଡ୍ରଗ୍ କାରବାରରେ ରିୟା, ସାରାଙ୍କ ନାମ ନେଇଥିଲେ। ରିପୋର୍ଟ ଅନୁଯାୟୀ, ଡ୍ରଗ୍ସ ମାମଲାରେ ପଚରାଉଚରା ପାଇଁ ଏନସିବି ଏହି ସପ୍ତାହରେ ସାରା ଅଲି ଖାନ ଏବଂ ଶ୍ରଦ୍ଧା କପୁରଙ୍କୁ ଡାକିପାରେ।

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top