ଭଦ୍ରକ, ୨୮ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମରା ପଂଚାୟତ ନରସିଂହପୁର ଠାରେ ଏକ ଭୟାନକ ଅଗ୍ନିକାଣ୍ଡରେ ୫ବଖରା ଘର ସଂପୂର୍ଣ ପୋଡି ପାଉଁଶ ହୋଇଯାଇଛି। ଆଜି ସନ୍ଧ୍ୟା ସମୟରେ ନରିସହପୁରର ଶ୍ରୀଧର ମଲିକଙ୍କ ଘରେ କୌଣସି କାରଣ ବଶତଃ ନିଆଁ ଲାଗିଯାଇଥିଲା। ଏହି ସମୟରେ ଘରେ କେହି ନଥିବା ବେଳେ ଏହି ଅଗ୍ନିକାଣ୍ଡ ଘଟିଥିଲା। ଏହି ଅଗ୍ନିକାଣ୍ଡରେ ଶ୍ରୀଧର ମଲିକଙ୍କ ୫ବଖରା ଘର ଏବଂ ଏକ ଗୋରୁ ଗୁହାଳ ସଂପୂର୍ଣ ପୋଡି ଯାଇଥିଲା। ପରେ ଧାମରାରୁ ଏକ ଅଗ୍ନିଶମ ବାହିନୀର ଗାଡି ଆସି ପହଂଚିଥିଲେ ମଧ୍ୟ ୫ବଖର ଘର ସଂପୂର୍ଣ ପୋଡି ପାଉଁଶ ହୋଇ ଯାଇଥିଲା। ପରେ ଧାମରା ବନ୍ଦରରୁ ଆଉ ଏକ ଦମକଳ ଆସି ନରସିଂହପୁର ଠାରେ ପହଂଚିଥିଲା। ସେତେବେଳକୁ ଶ୍ରୀଧର ମଲିକଙ୍କ ୫ବଖର ଘର ସହ ଗୋରୁ ଗୁହାଳ ଘର ସଂପୂର୍ଣ ପୋଡି ପାଉଁଶ ହୋଇ ଯାଇଥିଲା। ତୁରନ୍ତ ସଂପୃକ୍ତ ବ୍ୟକ୍ତିଙ୍କୁ ସରକାରୀ ସହାୟତା ଦେବାକୁ ଦାବୀ ହୋଇଛି।
