ଭଦ୍ରକ, ୩୦ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଏହି ଜିଲାର ତିହିଡି ବ୍ଲକ୍ ଅଧୀନସ୍ଥ ସଦାବର୍ତ୍ତ ଶାସନ ଗ୍ରାମର ଧରଣୀଧର ନନ୍ଦଙ୍କ ଘରୁ ସାପ ଧରାଳି ମିର୍ଜା ୪୭ ଟି ନାଗସାପ ଉଦ୍ଧାର କରିବା ଘଟଣା ଚର୍ଚ୍ଚାର ବିଷୟ ହୋଇଛି । ପ୍ରାପ୍ତ ଖବରରୁ ଯାହା ଜଣାଯାଏ ଧରଣୀଧରଙ୍କ ଶୋଇବା ମାଟିଘରର ଏକ କାନ୍ଥକୁ ସେ ଭାଙ୍ଗୁଥିବାବେଳେ ଏକ ନାଗସାପ ଦେଖିଥିଲେ । ଫଳରେ ସେ ଭୟଭୀତ ହୋଇ ସାପଧରାଳି ମିର୍ଜାକୁ ଖବର ଦେବାପରେ ମିର୍ଜା ସେଠାରେ ପହଞ୍ôଚଥିଲା । ମିର୍ଜା ଉକ୍ତ ମାଟିକାନ୍ଥକୁ ଭାଙ୍ଗିବା ଫଳରେ ସେଠାରୁ ୨ଟି ନାଗୁଣୀ ସହ ୪୫ ଟି ନାଗଛୁଆ ବାହାରିଥିଲେ । ଉଦ୍ଧାର ନାଗସାପକୁ ମିର୍ଜା ଆଜି ଜଙ୍ଗଲରେ ଛାଡିଥିବାର ଜଣାପଡିଛି । ଧରଣୀଧରଙ୍କ ଘରୁ ଏତେ ସଂଖ୍ୟକ ନାଗଛୁଆ ବାହାରିବା ଦ୍ୱାରା ସ୍ଥାନୀୟ ଅଂଚଳରେ ଏକ ଭୟର ବାତାବତରଣ ସୃଷ୍ଟି ହୋଇଥିବାର ଦେଖାଯାଇଥିଲା । ଏହି ଉଦ୍ଧାର ନାଗଛୁଆକୁ ଦେଖିବା ପାଇଁ ସେଠାରେ ଭିଡ ଜମିଥିଲା ।
