ନୂଆ ଦିଲ୍ଲୀ ୧୬-୧୨ (ଓଡ଼ିଆ ପୁଅ) ଅନ୍ତର୍ଜାତୀୟ ବଜାରରେ ସୁନା ଦର ହ୍ରାସ ପାଇଛି। ଆମେରିକା ସୁନା ୩୦.୯୦ ଡଲାର ଅର୍ଥାତ୍ ୧.୭୦% ହ୍ରାସ ହୋଇ ୧, ୭୮୭.୮୦ ଡଲାରରେ ପହଞ୍ଚିଛି। ଏଥି ସହିତ ରୂପା ୩.୪୪% ହ୍ରାସ ହୋଇ ୨୩.୩୦୫ ଡଲାର ପ୍ରତି ଆଉନ୍ସରେ ପହଞ୍ଚିଛି।
ତେବେ ଭାରତରେ ଚଳିତ ସପ୍ତାହରେ ୫୫, ୦୦୦ ରୁ ଅଧିକ ହେବା ପରେ ସୁନା ମୂଲ୍ୟ ପୁଣି ଥରେ ହ୍ରାସ ପାଇଛି। ସାରା ଦେଶରେ ବିବାହ ଋତୁ ହେତୁ ସୁନା ଓ ରୂପା ଚାହିଦା ଯଥେଷ୍ଟ ବୃଦ୍ଧି ପାଇଛି। ଯେଉଁଥିପାଇଁ ସୁନା ଓ ରୂପା ମୂଲ୍ୟରେ କ୍ରମାଗତ ଉତ୍ଥାନ-ପତନ ଦେଖାଯାଉଛି। ଯଦି ଆପଣ ଏହି ବିବାହ ଋତୁରେ ସୁନା କିଣିବାକୁ ଚିନ୍ତା କରୁଛନ୍ତି, ତେବେ ଆଜି ଆପଣ ବହୁତ ଶସ୍ତା ମୂଲ୍ୟରେ ସୁନା ପାଇବାକୁ ଯାଉଛନ୍ତି। ଏହି ସପ୍ତାହରେ ୫୫, ୦୦୦ ରୁ ଅଧିକ ହେବା ପରେ ସୁନା ମୂଲ୍ୟ ପୁଣି ଥରେ ହ୍ରାସ ପାଇଛି। ଆଜି ସୁନା ମୂଲ୍ୟ ୪୦୦ ରୁ ଅଧିକ ହ୍ରାସ ପାଇଛି। ଅନ୍ୟପକ୍ଷରେ, ଯଦି ଆମେ ଆଜି ରୂପା ମୂଲ୍ୟ ବିଷୟରେ ଆଲୋଚନା କରିବା, ତେବେ ରୂପା ପ୍ରାୟ ୯୦୦ ଟଙ୍କା ଶସ୍ତା ହୋଇପାରିଛି।
ସୂଚନାଯୋଗ୍ୟଯେ, ଗତକାଲି ଦିଲ୍ଲୀ ସରଫା ବଜାରରେ ୧୦ ଗ୍ରାମ ପିଛା ସୁନା ଦର ୪୨୦ ଟଙ୍କା ହ୍ରାସ ପାଇ ୫୪, ୫୫୪ ଟଙ୍କା ହୋଇଛି। ପୂର୍ବ ଦିନ ସୁନା ୧୦ ଗ୍ରାମ ପିଛା ୫୪, ୯୭୪ ଟଙ୍କା ବନ୍ଦ ହୋଇଯାଇଥିଲା। ଏହା ସହିତ ଅନ୍ତର୍ଜାତୀୟ ବଜାରରେ ସୁନା ଦର ମଧ୍ୟ ହ୍ରାସ ପାଇଛି।
ତେବେ ଦିଲ୍ଲୀରେ ୨୪ କ୍ୟାରେଟ୍ ଶୁଦ୍ଧତାର ସୁନା ଦର ୧୦ ଗ୍ରାମ ପିଛା ୫୪, ୩୮୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧୦ ଗ୍ରାମ ପିଛା ୪୯, ୮୫୦ ଟଙ୍କା।
କୋଲକାତାରେ ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୫୪, ୨୨୦ ଟଙ୍କା ଏବଂ ୧୦ ଗ୍ରାମ ପିଛା ୨୨ କ୍ୟାରେଟ୍ ସୁନା ୪୯, ୭୦୦ ଟଙ୍କା ଉପଲବ୍ଧ।
ମୁମ୍ବାଇରେ ୨୪ ଗ୍ରାମ ସୁନା ୧୦ ଗ୍ରାମ ପିଛା ୫୪, ୨୨୦ ଟଙ୍କାରେ ଏବଂ ୨୨ କ୍ୟାରେଟ ସୁନା ୧୦ ଗ୍ରାମ ପିଛା ୪୯, ୭୦୦ ଟଙ୍କାରେ ବିକ୍ରି ହେଉଛି।
ଚେନ୍ନାଇରେ ୨୪ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ୫୨, ୨୮୫ ଟଙ୍କା ଏବଂ ୨୨ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ୪୭, ୯୨୭ ଟଙ୍କା ରହିଛି।
