ପ୍ରଧାନମନ୍ତ୍ରୀଙ୍କ ଦୂରସଞ୍ଚାର ସଂସ୍କାର ପ୍ରତି ଉଦ୍ୟୋଗ ଜଗତର ବିଶେଷ ଆଗ୍ରହ
ନୂଆ ଦିଲ୍ଲୀ ୨-୮ (ଓଡ଼ିଆ ପୁଅ) ଦେଶରେ ଦୂରସଞ୍ଚାର କ୍ଷେତ୍ରରେ ସଂସ୍କାର ଆଣିବା ଲାଗି ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ପ୍ରୟାସକୁ ଦୂରସଞ୍ଚାର ଉଦ୍ୟୋଗ ଜଗତର ବିପୁଳ ସମର୍ଥନ ମିଳିଛି। ନିକଟରେ ୫G ସ୍ପେକ୍ଟ୍ରମ ନିଲାମୀରୁ ଏହା ସ୍ପଷ୍ଟ ହୋଇଛି। ଭାରତ ସରକାର ୭୨, ୦୯୮ ମେଗାହର୍ଜ ସ୍ପେକ୍ଟ୍ରମ ନିଲାମୀ ପାଇଁ ଜାରି କରିଥିଲେ, ଏଥିମଧ୍ୟରୁ ୫୧, ୨୩୬ ମେଗାହର୍ଜ (ମୋଟ୍ ସ୍ପେକ୍ଟ୍ରମର ୭୧%) ସ୍ପେକ୍ଟ୍ରମ ୧, ୫୦, ୧୭୩ କୋଟି ଟଙ୍କାରେ ବିକ୍ରି ହୋଇଛି।
ମେସର୍ସ ଆଦାନୀ ଡାଟା ନେଟୱର୍କସ୍ ଲିମିଟେଡ ୨୬ ଗିଗାହର୍ଜ ଏମଏମ ୱେଭ ବ୍ୟାଣ୍ଡରେ ୪୦୦ ମେଗାହର୍ଜ ସ୍ପେକ୍ଟ୍ରମ ହାସଲ କରିଛି। ମେସର୍ସ ଭାରତୀ ଏୟାରଟେଲ ଲିମିଟେଡ ୯୦୦, ୧୮୦୦, ୨୧୦୦, ୩୩୦୦ ମେଗାହର୍ଜ ଏବଂ ୨୬ ଗିଗାହର୍ଜ ବ୍ୟାଣ୍ଡରେ ୧୯, ୮୬୭.୮ ମେଗାହର୍ଜ ସ୍ପେକ୍ଟ୍ରମ ହାସଲ କରିଛି। ମେସର୍ସ ରିଲାଏନ୍ସ ଜିଓ ଇନଫୋକମ୍ ଲିଃ ୭୦୦, ୮୦୦, ୧୮୦୦, ୩୩୦୦ ମେଗାହର୍ଜ ଏବଂ ୨୬ ଗିଗାହର୍ଜ ବ୍ୟାଣ୍ଡରେ ମୋଟ୍ ୨୪, ୭୪୦ ମେଗାହର୍ଜ ସ୍ପେକ୍ଟ୍ରମ ପାଇଛି। ମେସର୍ସ ଭୋଡାଫୋନ ଆଇଡିଆ ଲିଃ ୧୮୦୦, ୨୧୦୦, ୨୫୦୦, ୩୩୦୦ ମେଗାହର୍ଜ ଏବଂ ୨୬ ଗିଗାହର୍ଜରେ ମୋଟ୍ ୬, ୨୨୮ ମେଗାହର୍ଜ ସ୍ପେକ୍ଟ୍ରମ କ୍ରୟ କରିଥିବା ସୂଚନା ମିଳିଛି।
ମୋଟ୍ ବିଡ୍ ବା ନିଲାମୀରୁ ୧, ୫୦, ୧୭୩ କୋଟି ଟଙ୍କା ପ୍ରାପ୍ତ ହୋଇଥିବା ବେଳେ ଏଥିରେ ଆଦାନୀ ଡାଟା ନେଟୱର୍କର ୨୧୨ କୋଟି ଟଙ୍କା, ଭାରତୀ ଏୟାରଟେଲ ଲିଃର ୪୩, ୦୪୮ କୋଟି ଟଙ୍କା, ରିଲାଏନ୍ସ ଜିଓ ଇନଫୋକମର ୮୮, ୦୭୮ କୋଟି ଟଙ୍କା ଏବଂ ଭୋଡାଫୋନ ଆଇଡିଆ ଲିମିଟେଡ ୧୮, ୭୯୯ କୋଟି ଟଙ୍କା ସାମିଲ ରହିଛି।
ବାର୍ଷିକ କିସ୍ତି ହିସାବରେ ସୁଧ ଦର ୭.୨% ରଖାଯାଇଥିବା ବେଳେ ନିଲାମୀରେ ଅଂଶଗ୍ରହଣ କରିଥିବା କେତେକ ଅଂଶଗ୍ରହଣକାରୀ ଅଧିକ ଅପଫ୍ରଣ୍ଟ ପେମେଣ୍ଟ (ପ୍ରକଳ୍ପ ଆରମ୍ଭ ପୂର୍ବରୁ ସେବା ପାଇବା ପାଇଁ ଆଂଶିକ ବା ସମ୍ପୂର୍ଣ୍ଣ ଅର୍ଥ ପରିଶୋଧ) କରିପାରିବେ।
ପ୍ରଥମ ଥର ପାଇଁ ୬୦୦ ମେଗାହର୍ଜ ବ୍ୟାଣ୍ଡ ନିଲାମୀ ପାଇଁ ରଖାଯାଇଥିଲା। କିନ୍ତୁ ଏହି ବ୍ୟାଣ୍ଡ ପାଇଁ କୌଣସି ବିଡ୍ (ନିଲାମ ଡାକ) ପ୍ରାପ୍ତ ହୋଇନଥିଲା। ବର୍ତ୍ତମାନ ସୁଦ୍ଧା ମୋବାଇଲ ଟେଲିଫୋନୀ ପାଇଁ ୬୦୦ ମେଗାହର୍ଜ ବ୍ୟାଣ୍ଡର ଡିଭାଇସ ଇକୋସିଷ୍ଟମ ବିକଶିତ ହୋଇନାହିଁ। ଆସନ୍ତା କିଛି ବର୍ଷ ମଧ୍ୟରେ, ଏହି ବ୍ୟାଣ୍ଡ ହୁଏତ’ ଗୁରୁତ୍ବପୂର୍ଣ୍ଣ ହୋଇପାରେ।
୭୦୦ ମେଗାହର୍ଜରେ ୫G ଇକୋସିଷ୍ଟମ୍ ଖୁବ୍ ଭଲ ଭାବେ ବିକଶିତ ହୋଇଛି। ଏହାର ଏକ ବଡ଼ ସେଲ ଆକାର ରହିଛି ଏବଂ ଏଥିପାଇଁ କମ୍ ଭିତ୍ତିଭୂମି ଆବଶ୍ୟକ ହୋଇଥାଏ। ଏହି ବ୍ୟାଣ୍ଡ ଅଧିକ ରେଞ୍ଜ ଏବଂ ଭଲ କଭରେଜ୍ ପ୍ରଦାନ କରିଥାଏ। ମେସର୍ସ ରିଲାଏନ୍ସ ଜିଓ ସର୍ବଭାରତୀୟ ସ୍ତରରେ ୧୦ ମେଗାହର୍ଜ ସ୍ପେକ୍ଟ୍ରମ ହାସଲ କରିଛି।
ସେବାର କ୍ଷମତା ବଢ଼ାଇବା ଏବଂ ୪G କଭରେଜ୍ରେ ସୁଧାର ଆଣିବା ଉଦ୍ଦେଶ୍ୟରେ ଅଂଶଗ୍ରହଣକାରୀମାନେ ମୁଖ୍ୟତଃ ୮୦୦ରୁ ୨୫୦୦ ମେଗାହର୍ଜ ବ୍ୟାଣ୍ଡରେ ସ୍ପେକ୍ଟ୍ରମ ପାଇବା ଲାଗି ଆବେଦନ କରିଥିଲେ।
ହାଇ ଥ୍ରୁ ପୁଟ୍ ପ୍ରଦାନ କରିବା ଲାଗି ମିଡ୍ ବ୍ୟାଣ୍ଡ ବା ୩୩୦୦ ମେଗାହର୍ଜ ବ୍ୟାଣ୍ଡ ଗୁରୁତ୍ବପୂର୍ଣ୍ଣ। ବର୍ତ୍ତମାନର ସମସ୍ତ ତିନୋଟି ଅପରେଟରମାନେ ଏହି ବ୍ୟାଣ୍ଡରେ ସ୍ପେକ୍ଟ୍ରମ ହାସଲ କରିଥିଲେ। ଅପରେଟରମାନେ ୩୩୦୦ ମେଗାହର୍ଜ ବ୍ୟାଣ୍ଡରେ ବର୍ତ୍ତମାନର ୪G କ୍ଷମତା ବଢ଼ାଇବା ଏବଂ ୫G ସେବା ପ୍ରଦାନ କରିପାରନ୍ତି।
ଏମଏମ ୱେଭ ବ୍ୟାଣ୍ଡ ବା ୨୬ ଗିଗାହର୍ଜ ବ୍ୟାଣ୍ଡର ହାଇ ଥ୍ରୁପୁଟ୍ ରହିଛି କିନ୍ତୁ ଏହାର ପରିଧି ଖୁବ କମ। ଏହି ବ୍ୟାଣ୍ଡକୁ କ୍ୟାପ୍ଟିଭ ବା ଅଣ-ସାର୍ବଜନୀନ ନେଟୱର୍କ ପାଇଁ ବ୍ୟବହାର କରାଯାଇପାରେ। ସାରା ବିଶ୍ବରେ ଏହି ବ୍ୟାଣ୍ଡରେ ଫିକ୍ସଡ୍ ୱେରଲେସ ଆକ୍ସେସ (ଏଫଡବ୍ଲୁଏ) ଲୋକପ୍ରିୟ ହେଉଛି। ଅଧିକ ଘନତ୍ବ/ଭିଡ଼ ଥିବା ଥିବା ସହରାଞ୍ଚଳରେ ଫାଇବର ର ବିକଳ୍ପ ଭାବେ ଏଫଡବ୍ଲୁଏ ବ୍ୟବହାର କରାଯାଇପାରିବ।
ଭାରତ ସରକାରଙ୍କ ଏକ ରାଷ୍ଟ୍ରାୟତ୍ତ ଉଦ୍ୟୋଗ ମେସର୍ସ ମେଟାଲ ସ୍କାର୍ପ ଟ୍ରେଡିଂ କର୍ପୋରେସନ (ଏମଏସଟିସି) ନିଲାମକାରୀ ଭାବେ କାର୍ଯ୍ୟ କରିଥିଲା।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନିର୍ଦ୍ଦେଶକ୍ରମେ ଦୂରସଞ୍ଚାର କ୍ଷେତ୍ରରେ ଏହି ସଂସ୍କାର ଏବଂ ସ୍ପଷ୍ଟ ନୀତି କାର୍ଯ୍ୟକାରୀ କରାଯାଉଛି ଯାହାର ପରିଣାମ ସ୍ବରୂପ ସ୍ପେକ୍ଟ୍ରମ ନିଲାମୀ ସଫଳ ହୋଇଛି। ଦୂରସଞ୍ଚାର କ୍ଷେତ୍ର ଅଭିବୃଦ୍ଧି ପଥରେ ରହିଥିବା ଏଥିରୁ ପ୍ରମାଣିତ ହୋଇଛି।
ନିର୍ଦ୍ଧାରିତ ସମୟସୀମା ମଧ୍ୟରେ ସ୍ପେକ୍ଟ୍ରମ ଆବଣ୍ଟନ ପ୍ରକ୍ରିୟା ସମ୍ପୂର୍ଣ୍ଣ କରାଯିବ ଏବଂ ସେପ୍ଟେମ୍ବର/ଅକ୍ଟୋବର ସୁଦ୍ଧା ୫G ସେବା ଦେଶରେ ଉପଲବ୍ଧ ହେବ।
ଦୂରସଞ୍ଚାର ଯୋଗାଯୋଗ ପାଇଁ ସ୍ପେକ୍ଟ୍ରମ ଅତି ଗୁରୁତ୍ବପୂର୍ଣ୍ଣ ଉପାଦାନ। ଅଧିକ ସ୍ପେକ୍ଟ୍ରମ ଉପଲବ୍ଧତା ସହିତ, ସେବାର ଗୁଣବତ୍ତାରେ ସୁଧାର ଆସିଥାଏ। ବିଡରମାନଙ୍କ ଅନୁଯାୟୀ ଆବଣ୍ଟିତ ସ୍ପେକ୍ଟ୍ରମର ପରିମାଣ ଏବଂ ପଇଠଯୋଗ୍ୟ ଅର୍ଥର ବିବରଣୀ ନିମ୍ନରେ ଦିଆଗଲା।
Quantum
| Operator | 700 MHz | 800 MHz | 900 MHz | 1800 MHz | 2100 MHz | 2500 MHz | 3300 MHz | 26 GHz | Total |
| Total Spectrum put to auction | 550 | 136 | 74 | 267 | 160 | 230 | 7,260 | 62,700 | 72,098 |
| M/s Adani data Networks Limited | 0 | 0 | 0 | 0 | 0 | 0 | 0 | 400 | 400 |
| Bharti Airtel limited | 0 | 0 | 12.8 | 25 | 30 | 0 | 2,200 | 17,600 | 19,867.8 |
| Reliance Jio Infocomm Limited | 220 | 20 | 0 | 60 | 0 | 0 | 2,440 | 22,000 | 24,740 |
| Vodafone Idea Limited | 0 | 0 | 0 | 3.4 | 5 | 20 | 850 | 5,350 | 6,228.4 |
| Total | 220 | 20 | 12.8 | 88.4 | 35 | 20 | 5490 | 45,350 | 51,236.2 |
| % Spectrum bid for | 40% | 15% | 17% | 33% | 22% | 9% | 76% | 72% | 71% |
The bid amounts payable (Rs. Cr) :
| Operator | 700 MHz | 800 MHz | 900 MHz | 1800 MHz | 2100 MHz | 2500 MHz | 3300 MHz | 26 GHz | Total |
| M/s Adani data Networks Limited | 0 | 0 | 0 | 0 | 0 | 0 | 0 | 212 | 212 |
| Bharti Airtel limited | 0 | 0 | 349 | 2,763 | 2,680 | 0 | 31,700 | 5,592 | 43,084 |
| Reliance Jio Infocomm Limited | 39,270 | 1050 | 0 | 7,028 | 0 | 0 | 33,740 | 6,990 | 88,078 |
| Vodafone Idea Limited | 0 | 0 | 0 | 584 | 500 | 650 | 15,150 | 1,915 | 18,799 |
| Total | 39,270 | 1050 | 349 | 10,375 | 3,180 | 650 | 80,590 | 14,709 | 1,50,173 |
