ନୟାଗଡ଼ ୨୩/୦୫ (ଓଡ଼ିଆ ପୁଅ/ଦେବୀ ପ୍ରସାଦ ଆଚାର୍ଯ୍ୟ) – ନୟାଗଡ ଜିଲ୍ଲା ଚାନ୍ଦପୁର ଥାନା ଅଂଚଳରେ ଛୋଟମୋଟ ଦୋକାନ ଚୋରୀ ବଢିବାରେ ଲାଗିଥିଲା। ଯାହାକୁ ନେଇ ଚାନ୍ଦପୁର ଥାନା ନିରୀକ୍ଷକ ରଶ୍ମୀ ରଞ୍ଜନ ଦାସ ସଜାଗ ଦୃଷ୍ଟି ରଖିଥିଲେ। ଅଭିଯୋଗ ପାଇ ଚାନ୍ଦପୁରର ରବିନ୍ଦ୍ର କୁମାର ସାହୁ, ଖୋର୍ଦ୍ଧାଜିଲ୍ଲା ଟାଙ୍ଗୀର ଅଜୁ ମହାପାତ୍ର ଓ ଖୋର୍ଦ୍ଧା ଜିଲ୍ଲା ବୋଲଗଡ଼ର ଧରିମ୍ ଖାନ୍ ଙ୍କୁ ଗିରଫ କରିଥିଲେ।
ସେମାନଙ୍କ ଠାରୁ ଏକ ଏସ୍କେଲ୍ ମୋଟର ସାଇକେଲ ସହ ଦୋକାନ ରୁ ଚୋରୀ ହୋଇଥିବା ୩ ଗୋଟି ସିଲେଇ ମେସିନ୍ କୁ ଜବତ କରିଥିଲେ। ଅଭିଯୁକ୍ତ ମାନଙ୍କୁ ଅଦାଲତ ଚାଲାଣ କରିବା ପରେ ଜାମିନ୍ ନାମଞ୍ଜୁର ହେବାରୁ ରଣପୁର ଜେଲ ହାଜତକୁ ପଠାଇ ଦିଆଯାଇଥିବା ଜଣାପଡିଛି। ସିଲେଇ ମେସିନ୍ ଗୁଡିକୁ ଅଭିଯୋଗ କରିଥିବା ପ୍ରକୃତ ମାଲିକ ଙ୍କୁ ହସ୍ତାନ୍ତର କରିଯାଇଥିବା ପୋଲିସ ସୂତ୍ରରୁ ସୂଚନା ମିଳିଛି।
