ଯୋଡା, ୧୪ା୯ (ଓଡିଆ ପୁଅ / ସେକ୍ ଜାବିର ମହମ୍ମଦ): ଟାଟାଷ୍ଟିଲ ଫାଉଣ୍ଡେସନ୍ ପକ୍ଷରୁ କେନ୍ଦୁଝର ଜିଲା ଯୋଡ଼ା ପୌରପାଳିକାର ୧୩ ନମ୍ବର ୱାର୍ଡ଼ ଅନ୍ତର୍ଗତ ବାଂଶପାଣି ଦାସ ହଟିଂଠାରେ ମଙ୍ଗଳବାର ଦିନ ଏକ ଗୋଷ୍ଠୀ ସାଧନ କେନ୍ଦ୍ର ଉଦ୍ଘାଟିତ ହୋଇଯାଇଛି । ଏହି ଉତ୍ସବରେ ଯୋଡ଼ା ପୌରପାଳିକାର କାର୍ଯ୍ୟନିର୍ବାହୀ ଅଧିକାରୀ ବିଚିତ୍ରାନନ୍ଦ ନାୟକ, ଟାଟାଷ୍ଟିଲ ଯୋଡ଼ା ମୁଖ୍ୟ ରାଜେଶ କୁମାର, ପୂର୍ବ ଯୋଡ଼ା ଲୌ÷ହ ଖଣି କର୍ମଚାରୀ ସଂଘର ସଭାପତି ତାରେଣୀ ନାୟକ, ଟାଟାଷ୍ଟିଲ ଓଡ଼ିଶା ସିଏସ୍ଆର ମୁଖ୍ୟ ଅମ୍ବିକା ନନ୍ଦ, ୱାର୍ଡ଼ ନମ୍ବର-୧୨ର ପୂର୍ବତନ କାଉନ୍ସିଲର ରଞ୍ଜିତ ଭଞ୍ଜଦେଓ ଏବଂ ଚର୍ଚ୍ଚିଲ ମହାକୁଡ଼ଙ୍କ ପ୍ରମୁଖ ଉପସ୍ଥିତିରେ ଏହି ଗୋଷ୍ଠୀ ସାଧନ କେନ୍ଦ୍ରର ଶୁଭ ଉଦ୍ଘାଟନ କରାଯାଇଥିଲେ । ଏହି କେନ୍ଦ୍ରରେ ଏକ କାର୍ଯ୍ୟାଳୟ କକ୍ଷ, ସାଧାରଣ କକ୍ଷ ଓ ଶୌଚାଳୟ ସହିତ ମୋଟ ୩ଟି କକ୍ଷ ରହିଛି । ଏହା ବ୍ୟତୀତ ଜଳ ଯୋଗାଣ ପାଇଁ ଓଭର ହେଡ଼ ଟ୍ୟାଙ୍କ୍ ସହିତ ଏକ ସୋକ୍ପିଟ୍ର ମଧ୍ୟ ବ୍ୟବସ୍ଥା କରାଯାଇଛି । ଏହି ଗୋଷ୍ଠୀ କେନ୍ଦ୍ର ଦ୍ୱାରା ସ୍ଥାନୀୟ ଅଞ୍ଚଳର ୪୦୦ରୁ ଊର୍ଦ୍ଧ୍ୱ ଲୋକ ଉପକୃତ ହୋଇପାରିବେ । ଏହି କେନ୍ଦ୍ରରେ ସେମାନେ ବିଭିନ୍ନ ସାଂସ୍କୃତିକ, ଆଧ୍ୟାତ୍ମିକ ଏବଂ ଅନ୍ୟ ଗୋଷ୍ଠୀ କେନ୍ଦ୍ରିକ କାର୍ଯ୍ୟକ୍ରମ ଆୟୋଜନ କରିପାରିବେ । ଏଠାରେ ଗ୍ରାମର ଯୁବବର୍ଗଙ୍କ ପାଇଁ ପାଠ୍ୟକ୍ରମ ଓ ସଚେତନତା ଅଧିବେସନର ମଧ୍ୟ ଆୟୋଜନ କରାଯାଇପାରିବ । ଏହି ଅବସରରେ ଟାଟାଷ୍ଟିଲ ଓ ଟାଟାଷ୍ଟିଲ ଫାଉଣ୍ଡେସନ୍ର ଅଧିକାରୀ ବୃନ୍ଦ ଓ ସ୍ଥାନୀୟ ଲୋକମାନେ ଉପସ୍ଥିତ ରହିଥିଲେ ।
