ଭୋପାଳ ୨-୭ (ଓଡ଼ିଆ ପୁଅ) ସମସ୍ତ କଳ୍ପନା ଜଳ୍ପନ ପରେ ଶେଷରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ତାଙ୍କ କ୍ୟାବିନେଟ ବିସ୍ତାର କରିଛନ୍ତି। ସପ୍ତାହେ ଧରି ଏହି ବିଷୟରେ କଳ୍ପନାଜଳ୍ପନା ଚାଲିଥିଲା। ଜ୍ୟୋତିରାଦିତ୍ୟ ସିନ୍ଧିଆ ଏବଂ ତାଙ୍କର କଂଗ୍ରେସ ସମର୍ଥକ ବିଧାୟକମାନେ ବିଜେପିରେ ଯୋଗଦେବା ପରେ ଶିବରାଜଙ୍କୁ ପୁଣି ଥରେ ମୁଖ୍ୟମନ୍ତ୍ରୀ ପଦ ମିଳିଥିଲା। କିନ୍ତୁ କ୍ୟାବିନେଟ ସଂପୂର୍ଣ୍ଣ ଭାବେ ସମ୍ପ୍ରସାରିତ ହୋଇପାରିନଥିଲା। ମନ୍ତ୍ରୀମଣ୍ଡଳରେ ସିନ୍ଧିଆ ସମର୍ଥକଙ୍କୁ ଅନ୍ତର୍ଭୁକ୍ତ କରିବା ପାଇଁ ବିଜେପି ରାଜ୍ୟର କେନ୍ଦ୍ରୀୟ ନେତୃତ୍ୱଙ୍କୁ ଦଖଲ ଦେବାକୁ ପଡ଼ିଥିଲା। ଗତ ତିନି-ଚାରି ଦିନ ଏଥିପାଇଁ ରାଜନୈତିକ ମହଲ ଗରମ ରହିଥିଲା। ଶିବରାଜ ସିଂ ଚୌହାନ ଗତ ଦିନରେ ନୂଆଦିଲ୍ଲୀରେ ଥିଲେ ଏବଂ ଅମିତ ଶାହାଙ୍କ ବ୍ୟତୀତ ଜେପି ନଡ୍ଡା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ଭେଟିଥିଲେ। ଘଣ୍ଟାଏ ଧରି ମାରାଥନ୍ ବୈଠକ ପରେ ନୂତନ ମନ୍ତ୍ରୀଙ୍କ ନାମ ଉପରେ ସହମତି ମିଳିଥିଲା।
ବର୍ତ୍ତମାନ ମଧ୍ୟପ୍ରଦେଶର ବର୍ତ୍ତମାନର ରାଜ୍ୟପାଳ ଲାଲଜୀ ଟଣ୍ଡନଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ଉତ୍ତରପ୍ରଦେଶ ରାଜ୍ୟପାଳ ଆନନ୍ଦୀବେନ୍ ପଟେଲଙ୍କୁ ମଧ୍ୟପ୍ରଦେଶର ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଛି ଯାହା ଫଳରେ ସାମ୍ବିଧାନିକ ପ୍ରକ୍ରିୟା ଅନୁଯାୟୀ ସମସ୍ତ କାର୍ଯ୍ୟକ୍ରମ ହୋଇପାରିବ।
ବର୍ତ୍ତମାନ ନୂତନ ଚେହେରା ଏବଂ ବିଶେଷକରି ସିନ୍ଧିଆ ସମର୍ଥକଙ୍କୁ କ୍ୟାବିନେଟରେ ସୁଯୋଗ ଦିଆଯାଇଛି। ତେବେ ଆଜି ୨୮ ଜଣ ନୂଆ ମନ୍ତ୍ରୀ ଶପଥ ଗ୍ରହଣ କରିଛନ୍ତି। ଏହା ସହ ରାଜ୍ୟ ରାଜନୀତିରେ ଜ୍ୟୋତିରାଦିତ୍ୟ ସିନ୍ଧିଆର ପ୍ରାଧାନ୍ୟତା ମଧ୍ୟ ସ୍ପଷ୍ଟ ହୋଇଯାଇଛି। ଏଥିରେ କୌଣସି ସନ୍ଦେହ ନାହିଁ ଯେ, ରାଜ୍ୟରେ ପୁଣିଥରେ ବିଜେପି ସରକାର ଗଠନ ପାଇଁ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ସମସ୍ତ ଶ୍ରେୟ ଯାଇଛି, ତେଣୁ ଏହାର ପ୍ରଭାବ ସ୍ପଷ୍ଟ ଭାବେ କ୍ୟାବିନେଟ ବିସ୍ତାରରେ ଦିଆଯାଇଛି।
ସିନ୍ଧିଆ ଗୋଷ୍ଠୀର ୯ ଜଣ ବିଧାୟକ କ୍ୟାବିନେଟରେ ସ୍ଥାନ ପାଇଛନ୍ତି। ଏହା ବ୍ୟତୀତ କଂଗ୍ରେସର ଏଭଳି ବିଧାୟକ ଯେଉଁମାନେ ସିନ୍ଧିଆଙ୍କ କ୍ୟାମ୍ପରେ ନଥିଲେ ଏବଂ ବିଜେପିରେ ଯୋଗ ଦେଇଥିଲେ। ତାଙ୍କୁ କ୍ୟାବିନେଟରେ ମଧ୍ୟ ସ୍ଥାନ ଦିଆଯାଇଛି। ଏହିପରି ବିଧାୟକଙ୍କ ସଂଖ୍ୟା ତିନି।
ତେବେ ବିଜେପିର ୧୬ ଚେହେରା, ଯେଉଁମାନେ ମନ୍ତ୍ରୀ ହୋଇଛନ୍ତି ସେମାନଙ୍କ ମଧ୍ୟରେ
– ଗୋପାଳ ଭାଗର୍ଭା, ଭୁପେନ୍ଦ୍ର ସିଂ, ଯଶୋଧରା ରାଜେ ସିନ୍ଧିଆ, ବିଜୟ ଶାହା, ବ୍ରିଜେନ୍ଦ୍ର ପ୍ରତାପ ସିଂ, ଅରବିନ୍ଦ ଭଦୋରିଆ, ଜଗଦୀଶ ଦେଓଡ଼ା, ବିଶ୍ୱାସ ସାରଙ୍ଗ, ମୋହନ ଯାଦବ, ପ୍ରେମ ସିଂ ପଟେଲ, ଉଷା ଠାକୁର, ଓମ ପ୍ରକାଶ ସକଲେଚା, ଇନ୍ଦ୍ର ସିଂ ପରମାର, ରାମ ଖିଲୱାନ ପଟେଲ ଅନ୍ତର୍ଭୁକ୍ତ।
ଜ୍ୟୋତିରାଦିତ୍ୟ ସିନ୍ଧିଆ କ୍ୟାମ୍ପରୁ ୯ ଜଣ ବିଧାୟକ ଯେଉଁମାନେ ମନ୍ତ୍ରୀ ହୋଇଛନ୍ତି
– ମହେନ୍ଦ୍ର ସିଂ ସିସୋଡିଆ, ପ୍ରଦ୍ୟୁମ୍ନ ସିଂ ତୋମାର, ଇମର୍ତ୍ତୀ ଦେବୀ, ସୁରେଶ ଧାକଡ଼ (ରାଠଖେଡା), ଓପିଏସ୍ ଭଦୌରିଆ, ଗିରାଜ ଦଣ୍ଡୋତିଆ, ରାଜ୍ୟବର୍ଦ୍ଧନ ସିଂ, ବ୍ରିଜେନ୍ଦ୍ର ସିଂ ଯାଦବ, ପ୍ରଭୁରାମ ଚୌଧୁରୀ
ତିନିଜଣ ବିଧାୟକ ମଧ୍ୟ କଂଗ୍ରେସରୁ ବିଜେପିରେ ଯୋଗ ଦେଇଥିଲେ, ସେମାନେ ମନ୍ତ୍ରୀ ହୋଇଛନ୍ତି
– ବିସାହୁଲାଲ ସିଂ, ହରଦୀପ ସିଂ ଡଙ୍ଗ, ଏଣ୍ଡଲ ସିଂ କଂସାନା
