ଭୋପାଳ ୮-୫ (ଓଡ଼ିଆ ପୁଅ) ମହାରାଷ୍ଟ୍ରର ଔରଙ୍ଗାବାଦରେ ଟ୍ରେନରେ କଟି ଯାଇଥିବା ୧୭ ଜଣଙ୍କ ମୃତ୍ୟୁ ଦେଶକୁ ଦୋହଲାଇଦେଇଛି। ଔରଙ୍ଗାବାଦ ରେଳ ଦୁର୍ଘଟଣାରେ ପ୍ରାଣ ହରାଇଥିବା ମଧ୍ୟପ୍ରଦେଶର ପ୍ରବାସୀ ଶ୍ରମିକଙ୍କ ପରିବାରବର୍ଗଙ୍କୁ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ପାଞ୍ଚ ଲକ୍ଷ ଟଙ୍କାର କ୍ଷତିପୂରଣ ଘୋଷଣା କରିଛନ୍ତି। ଏହା ବ୍ୟତୀତ ଆହତମାନଙ୍କର ଚିକିତ୍ସା କରାଇବାପାଇଁ ମଧ୍ୟ ଘୋଷଣା କରିଛନ୍ତି। ସିଏମ୍ କହିଛନ୍ତି ଯେ ବିପର୍ଯ୍ୟୟ ସମୟରେ ଶୋକାକୁଳ ପରିବାର ନିଜକୁ ଏକାକୀ ଭାବିବା ଉଚିତ୍ ନୁହେଁ, ମଧ୍ୟପ୍ରଦେଶ ସରକୀାର ସେମାନଙ୍କ ସହ ଅଛନ୍ତି। ଏ ବିଷୟରେ ଟ୍ୱିଟ କରି ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଏହା ପ୍ରକାଶ କରିଛନ୍ତି। ଶିବରାଜ ସିଂ ଚୌହାନ କହିଛନ୍ତି ଯେ ରାଜ୍ୟ ସରକାର ଏକ ଉଚ୍ଚସ୍ତରୀୟ ଅଧିକାରୀଙ୍କ ଏକ ଟିମ୍ ସ୍ୱତନ୍ତ୍ର ବିମାନ ଯୋଗେ ଔରଙ୍ଗାବାଦକୁ ପଠାଉଛନ୍ତି। ଏହି ଟିମ୍ ସେଠାରେ ମୃତମାନଙ୍କ ଶେଷ ରୀତିନୀତି ଆୟୋଜନ କରିବ ଏବଂ ଆହତମାନଙ୍କୁ ସମସ୍ତ ସମ୍ଭାବ୍ୟ ସହାୟତା ଯୋଗାଇବ। ସିଏମ୍ ଟୁଇଟ୍ କରି କହିଛନ୍ତି, “ଔରଙ୍ଗାବାଦରେ ଟ୍ରେନ୍ ଦୁର୍ଘଟଣା ହୃଦୟକୁ ଏପରି ଆଘାତ ଦେଇଛି ଯେ ମୁଁ ଏହାକୁ ଶବ୍ଦରେ ପ୍ରକାଶ କରିପାରିବି ନାହିଁ। ମୁଁ ରେଳମନ୍ତ୍ରୀ ପୀୟୁଷ ଗୋୟଲଙ୍କ ସହ କଥା ହୋଇ ତାଙ୍କ ସହ ଶୀଘ୍ର ଉପଯୁକ୍ତ ବ୍ୟବସ୍ଥା କରିବାକୁ ଦାବି କରିଛି।”
ସୂଚନାନୁଯୋଗ୍ୟଯେ, ଏହି ସମସ୍ତ ଶ୍ରମିକ ମହାରାଷ୍ଟ୍ରର ଜଲଗାଓଁର ଏକ ଲୁହା କାରଖାନାରେ କାମ କରୁଥିଲେ। ଏହି ଲୋକମାନେ ଔରଙ୍ଗାବାଦରୁ ମଧ୍ୟପ୍ରଦେଶ ପର୍ଯ୍ୟନ୍ତ ସ୍ୱତନ୍ତ୍ର ଟ୍ରେନ୍ ଧରିବାକୁ ଚାହୁଁଥିଲେ। ଏହି ସମସ୍ତ ଲୋକ ଆଶା କରିଥିଲେ ଯେ ସେ ଭୁସାଭାଲ ଯାଇ ଟ୍ରେନ୍ ଧରିବେ। କୁହାଯାଏ ଯେ ପ୍ରାୟ ୪୫ କିଲୋମିଟର ଚାଲିବା ପରେ ସମସ୍ତେ ଥକି ଯାଇ ନିଜେ ଟ୍ରାକରେ ବିଶ୍ରାମ ନେବା ଆରମ୍ଭ କରିଥିଲେ। ଥକିଯାଇଥିବା କାରଣରୁ ଅଧିକାଂଶ ଲୋକ ଟ୍ରାକରେ ଶୋଇପଡ଼ିଥିଲେ। ଏହି ସମୟ ମଧ୍ୟରେ ଏକ ମାଲବାହୀ ଟ୍ରେନ୍ ସେହିରାସ୍ତାରେ ଗଲା ଏବଂ ଏହି ଲୋକମାନଙ୍କ ଉପରେ ଚଢ଼ିଯାଇଥିଲା। ଏ ସମସ୍ତେ ମଧ୍ୟପ୍ରଦେଶ ବାସିନ୍ଦା ଥିଲେ।
