ହାଟଡ଼ିହି-୩୦/୪, ହାଟଡିହି ବ୍ଲକ ହାବଳେଶ୍ୱର ପଞ୍ଚାୟତର ଡିମିରିଆ ଗ୍ରାମରେ ଗ୍ୟାସଟାଙ୍କି ଫାଟି ଦୁଇଟି ପରିବାରର ୫ବଖରା ଘର ଜଳିଯାଇଥିବାବେଳେ ଲକ୍ଷାଧିକ ଟଙ୍କାର ସମ୍ପତ୍ତି ଭଷ୍ମୀଭୁତ ହୋଇଥବବା ଜଣାଯାଇଛି । ଖବରରୁ ଜଣାଯାଇଛି ଯେ ଆଜି ସନ୍ଧ୍ୟାରେ ଗ୍ରାମର ସୁବାସ ପ୍ରଧାନଙ୍କ ଘରେ ରୋଷେଇ କରୁଥବବା ସମ୍ରରେ ଗ୍ୟାସଟାଙ୍କରୁ ଗ୍ୟାସ ଲିକକରି ତାଙ୍କ ଘରେ ଅଗ୍ନିକାଣ୍ଡ ଘଟିଥିଲା । ଗ୍ୟାସ ଲିକ ହୋଇଥିବାରୁ ଟାଙ୍କି ଫାଟିଯିବା ଆଶଙ୍କାରେ କେହି ନିଆଁ ଲିଭାଇବାକୁ ପାଖକୁ ଯାଇ ନଥିଲେ । ଫଳରେ ସୁବାସଙ୍କ ୫ବଖରା ଘର ସମେତ ନିଆଁ ବ୍ୟାପିଯାଇ ପାଖରେ ଥିବା ଟେରା ପ୍ରଧାନଙ୍କ ୪ବଖରା ଘର ଜଳିଯାଇଥିଲା । ସୁବାସଙ୍କ ଗୋଟିଏ ଗ୍ୟାସ ଟାଙ୍କି ଫାଟିଯିବା ସହିତ ଟେରା ପ୍ରଧାନଙ୍କ ଦୁଇଟି ଗ୍ୟାସ ଟାଙ୍କି ଫାଟିଯାଇ ବହୁ ଉଚ୍ଚକୁ ନିଆଁ ଉଠିଥିଲା । ଖବରପାଇ ହାଟଡିହିରୁ ଦମକଳ ପହଞ୍ଚି ନିଆଁକୁ ଆୟତ କରିଥିବାବେଳେ ଏହି ଅଗ୍ନିକାଣ୍ଡରେ ଉଭୟ ପରିବାରର ଧାନ, ଚାଉଳ, ସମେତ ସମସ୍ତ ଗୃହୋପକରଣ ସାମଗ୍ରୀ ଆଦି ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ଭଷ୍ମୀଭୁତ ହୋଇଯାଇଛି ।
