ତାଳଚେର,୧୪/୪(ଓଡ଼ିଆ ପୁଅ/ଅଜିତ କୁମାର ବେହେରା): ହିନ୍ଦ ମଜଦୁର ସଂଘ ତାଳଚେର ଶାଖା ପକ୍ଷରୁ ମୂଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠି(କୋବିଡ଼-୧୯)କୁ ଆଜି ସ୍ଥାନୀୟ ଉପଜିଲ୍ଲାପାଳ ରଜନୀକାନ୍ତ ସ୍ୱାଇଁଙ୍କ ଜରିଆରେ ୫୦ହଜାର ଟଙ୍କା ଚେକ୍ ଆକାରରେ ପ୍ରଦାନ କରାଯାଇଛି । ଏହି ଅର୍ଥ ପ୍ରଦାନ ସମୟରେ ସଂଘର ସାଧାରଣ ସମ୍ପାଦକ ଶଙ୍କର ପ୍ରସାଦ ବେହେରା, କ୍ଷୀରୋଦ ଚନ୍ଦ୍ର ବାରିକ,ବାବୁଲାଲ ଖଣ୍ଡୁଆଳ,ସୁବାସ ଚନ୍ଦ୍ର ସାହୁ,ପି.କେ.ପଟ୍ଟନାୟକ,ରାଜେଶ କୁମାର ଦାସ ପ୍ରମୁଖ ଉପସ୍ଥିତ ଥିଲେ । ଏହି ଅର୍ଥଦାନ ପାଇଁ ସଂଘକୁ ଉପଖଣ୍ଡ ପ୍ରଶାସନ ପକ୍ଷରୁ ସାଧୁବାଦ ଜ୍ଞାପନ କରାଯାଇଛି ।
