ଜଗତସିଂପୁର ୧୯-୫ (ଓଡିଆ ପୁଅ/ନୃସିଂହ ଚରଣ ବାରିକ ) ଜଗତସିଂପୁର ଜିଲ୍ଲାର ବାଲିକୁଦା ଅଞ୍ଚଳରେ ଆଜି ୩ଜଣ କରୋନା ରୋଗୀ ଚିହ୍ନଟ ହୋଇଛନ୍ତି। ଗତ ୯ ତାରିଖ ଦିନ ଏମାନେ ସୁରତରୁ ଫେରିଥିଲେ। ସମସ୍ତଙ୍କୁ କ୍ବାରଣ୍ଟାଇନରେ ରଖାଯାଇଥିଲା। ୧୫ ତାରିଖରେ ସ୍ବାବ ଟେଷ୍ଟ ପାଇଁ ପଠାଯାଇଥିଲା। ସେଥିରେ ବାଲିକୁଦା ଅଞ୍ଚଳର ଏହି ୩ ଜଣଙ୍କ ଠାରେ ପଜିଟିଭ ଥିବା ଆଜି ଆସିଥିବା ରିପୋର୍ଟରୁ ଜଣାପଡ଼ିଛି ବୋଲି ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଗଣମାଧ୍ୟମକୁ ସୂଚନା ଦେଇଛନ୍ତି। ସେହିପରି ଗତକାଲି ଆସିଥିବା ୫୦ ସ୍ବାବ ଟେଷ୍ଟ ରିପୋର୍ଟରୁ ନାଉଗାଁ ଅଞ୍ଚଳର ୧୯ ଓ କୁଜଙ୍ଗ ର ୧ଟି ପଜିଟିଭ ଥିବା ଜିଲ୍ଲାପାଳ ଟୁଇଟ କରି ଜଣାଇଥିଲେ। ନାଉଗାଁ ର ୧୯ ଜଣ ପଶ୍ଚିମ ବଙ୍ଗରୁ ଫେରି ଆସି ଥିବା ବେଳେ କୁଜଙ୍ଗ ଅଞ୍ଚଳର ଚିହ୍ନଟ ବ୍ୟକ୍ତି ତାମିଲନାଡୁ ଫେରନ୍ତା ବୋଲି ପ୍ରଶାସନ ସୂଚନା ଦେଇଛି। ଆକ୍ରାନ୍ତଙ୍କୁ କିମ୍ସ କୋଭିଡ୍ ହସ୍ପିଟାଲକୁ ପଠାଯାଇଛି।
Balance 3samples of 16.5.2020 tested positive.All are asymptomatic and shifted to KIIMS.All were in quarantine centres.@CMO_Odisha @MoSarkar_Odisha
— DM_Jagatsinghpur (@CollectorJspur) May 19, 2020
