କୋରାପୁଟ ୨୦-୦୪(ଓଡିଆ ପୁଅ /ରଂଜନ ଦାସ) ମାଛକୁଣ୍ଡ ପୋଲିସ ଦ୍ୱାରା ୫ ଲକ୍ଷ ଟଙ୍କାର ଗଞ୍ଜେଇ ସହ କାର ଜବତ କରା ଯାଇଥିବାବେଳେ ୪ଜଣ ଗଞ୍ଜେଇ ମାଫିଆଙ୍କୁ ଗିରଫ କରାଯାଇଥିବା ଜଣାପଡିଛିି । ଗିରଫ ୪ଜଣ ହେଲେ ଅଜୟ ପ୍ରତାପ କୋରି,ହରି ଶଙ୍କର ସିଂହ,ଗୁଲାସାଦ ଓ ରାହୁଲ୍ ବର୍ମା । ଏସପି ବରୁଣ ଗୁଣ୍ଡୁପାଲ୍ଲିଙ୍କ ନିର୍ଦ୍ଦେଶରେ ଚୋରା ଗଞ୍ଜେଇ ଧରପଗଡ ପାଇଁ ମାଛକୁଣ୍ଡ ପୋଲିସ ରାତ୍ରୀ ପେଟ୍ରୋଲିଂ କରୁଥିଲା । ପେଟ୍ରୋଲିଂ ସମୟରେ କାଙ୍ଗରାପଡା ନିକଟରେ ଏକ ନମ୍ବର ପ୍ଲେଟ ନ ଥିବା କାରକୁ ଅଟକାଇ ଚେକିଂ କରିବା ବେଳକୁ ସେଥିରୁ ଗଞ୍ଜେଇ ମିଳିଥିଲା । ପୋଲିସ କାରରୁ ୧୦୨ କିଲୋ ୪୦୦ ଗ୍ରାମ ଗଞ୍ଜେଇ ଜବତ କରିଛି,ଯାହାର ଆନୁମାନିକ ବଜାର ମୂଲ୍ୟ ୫ ଲକ୍ଷ ଟଙ୍କା ହେବ ବୋଲି ଜଣାପଡିଛି । ଜବତ ଗଞ୍ଜେଇ ଅନକାଡେଲ୍ଲି ଅଂଚଳରୁ ଉତରପ୍ରଦେଶକୁ ଯାଉଥିବା ପୋଲିସ ସନ୍ଦେହ କରୁଥିବାବେଳେ ଅଧିକ ଛାନଭୀନ କରୁଥିବା ଜଣାପଡିଛି ।
