ନୂଆ ଦିଲ୍ଲୀ ଜୁନ୍ ୧୪ (ଓଡ଼ିଆ ପୁଅ) ୟୁପିର ଚାନ୍ଦୁଲିରେ ଜନ୍ମ ହୋଇଛି ଏକ ୪ ଟି ଆଖି ଏବଂ ୨ ମୁହଁ ଥିବା ବିରଳ ୨ ମୁଣ୍ଡିଆ ବାଛୁରୀ। ଏହି ଗାଁ ଏବେ ଚର୍ଚ୍ଚାର ବିଷୟ ପାଲଟିଛି। ବାଛୁରୀର ଦୁଇ ମୁହଁ, ଦୁଇଟି କାନ ଏବଂ ଚାରି ଆଖି ଅଛି। ରବିବାର ଦିନ ଅରବିନ୍ଦ ଯାଦବଙ୍କ ଘରେ ଏହି ବାଛୁରୀ ଜନ୍ମ ହୋଇନେଇଥିଲା ଏବଂ ଉଭୟ ଗାଈ ଏବଂ ବାଛୁରୀ ସୁସ୍ଥ ଅଛନ୍ତି।
ବାଛୁରୀଟି ରବିବାର ସକାଳେ ଜନ୍ମ ହେବା ପରେ ତାଙ୍କ ପରିବାର ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ।
ଯାଦବ ଏବଂ ତାଙ୍କ ପରିବାର ସଦସ୍ୟ ଏହାକୁ ପ୍ରକୃତିର ଆଶ୍ଚର୍ଯ୍ୟ ବୋଲି ବିବେଚନା କରୁଥିବାବେଳେ ଗାଁର କିଛି ଲୋକ ଏହାକୁ ଏକ ଐଶ୍ୱରୀୟ ଚମତ୍କାର ବୋଲି ମଧ୍ୟ ବିଚାର କରୁଛନ୍ତି। ଏହି ଖବର ବ୍ୟାପିବା ପରେ ନିକଟସ୍ଥ ଜିଲ୍ଲା ଓ ଗାଁର ଲୋକମାନେ ଏହି ବିରଳ ବାଛୁରୀକୁ ଦେଖିବାକୁ ଭିଡ଼ ଜମାଇଛନ୍ତି।
ପ୍ରାଣୀ ଚିକିତ୍ସକଙ୍କ ଅନୁଯାୟୀ, ଭ୍ରୁଣର ବିକାଶ ସମୟରେ କୋଷଗୁଡ଼ିକର ଅସ୍ୱାଭାବିକ ବିକାଶ ହେତୁ ଏପରି ଘଟଣା ଘଟିଥାଏ। ଏହା କୌଣସି ଐଶ୍ୱରୀୟ ଚମତ୍କାର ନୁହେଁ ବୋଲି ଭାବନ୍ତି ପ୍ରାଣୀ ବିଶେଷଜ୍ଞ।
