ଭଦ୍ରକ, ୨୮ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ମହାବିଦ୍ୟାଳୟ ପରିସରରେ ସୋମବାର ଦିନ ୧୧ଟାରେ ଆରମ୍ଭ ହୋଇଛି ୨୪ନଂ ଜିଲ୍ଲା ପରିଷଦ ଜୋନ ଓ ଏହା ଅନ୍ତର୍ଗତ ୭ଟି ପଞ୍ଚାୟତର ସରପଞ୍ଚ, ସମିତି ସଭ୍ୟ ଓ ୱାର୍ଡସଦସ୍ୟଙ୍କ ଭୋଟ ଗଣତି । ସନ୍ଧ୍ୟା ୭ଟା ସୁଦ୍ଧା ଶେଷ ହୋଇଥିବା ଅଷ୍ଟମ ରାଉଣ୍ଡ ଗଣତି ଫଳାଫଳ ଅନୁଯାୟୀ ବିଜେଡି ପ୍ରାର୍ଥୀ ଆଗରେ ରହିଛନ୍ତି । ବିଜେଡି ପ୍ରାର୍ଥୀ ଉତ୍କଳ କେଶରୀ ମହାନ୍ତି ୭୨୮୯, କଂଗ୍ରେସ ପ୍ରାର୍ଥିନୀ ତପସ୍ୱନୀ ଜେନା ୩୧୦୭ ଓ ବିଜେପି ପ୍ରାର୍ଥୀ ୨୪୧୮ ଖଣ୍ଡ ଭୋଟ ହାସଲ କରିଛନ୍ତି । ସେହିପରି ଜୋନ ଅନ୍ତର୍ଗତ ବାଲିପୋଖରୀ, ରଣଜିତ, ନପଙ୍ଗ, ମାଳଦା, ଷୋଳମପୁର, ରହଣିଆ ଓ କୁରିଗାଁ ପଞ୍ଚାୟତର ଭୋଟ ଗଣତି ମଧ୍ୟ ଚାଲୁରହିଛି । ପୂର୍ବଭଳି ମଧ୍ୟ ଭୋଟଗଣତି କେନ୍ଦ୍ର ଲୋକାରାଣ୍ୟ ହୋଇଛି । ପୁଲିସ ପକ୍ଷରୁ କଡାସୁରକ୍ଷା ବ୍ୟବସ୍ଥା କରାଯାଇଛି । ପୂର୍ବଦିନ ଭଳି ଚୁଡାନ୍ତ ଫଳାଫଳ ଆସିବାକୁ ମଙ୍ଗଳବାର ପର୍ଯ୍ୟନ୍ତ ଅପେକ୍ଷା କରିବାକୁ ହେବ ବୋଲି ଅନୁମାନ କରାଯାଇଛି ।
