କୋରାପୁଟ ୧୧-୦୪(ଓଡିଆ ପୁଅ /ରଂଜନ ଦାସ) ବୈପାରୀଗୁଡା ପୋଲିସ ଦ୍ୱାରା ୧୮୭ କିଲୋ ୧୦୦ ଗ୍ରାମ ଗଞେଇ ଜବତ କରା ଯାଇଥିବା ବେଳେ ଘଟଣାରେ ଜଣଙ୍କୁ ଗିରଫ କରାଯାଇଛି । ବୈପାରୀଗୁଡା ପୋଲିସ ପେଟ୍ରୋଲିଂ କରୁଥିବା ସମୟରେ ଏକ ଅଟୋରିକ୍ସା(ଓଡି ୧୦-ଇ ୮୯୧୯)କୁ ଚେକିଂ କରିବା ବେଳକୁ ସେଥିରେ ଗଞେଇ ଥିବା ଜଣାପଡିଥିଲା । ଓଜନ କରିବା ପରେ ୧୮୭ କିଲୋ ୧୦୦ ଗ୍ରାମ ଗଞେଇ ବୋଲି ଜଣାପଡିଥିଲା । ପୋଲିସ ଗଞେଇ ସହ ଅଟୋରିକ୍ସା ଏବଂ ଗୋଟିଏ ମୋବାଇଲଫୋନ ଜବତ କରିବା ସହ ଚୋରା ଚାଲାଣକାରୀକୁ ଗିରଫ କରିଥିଲା । ଗିରଫ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଜଣାପଡିଛି ।
