ଭଦ୍ରକ, ୮ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) -ହୋମଗାର୍ଡ ନିଯୁକ୍ତି ଅନିୟମିତତା କୁ ନେଇ ତାତିଲେ ଆଶାୟୀ ପ୍ରାର୍ଥୀ। ଏସପିଙ୍କୁ ଭେଟିଲେ କାର୍ଯ୍ୟାଳୟ ଆଗରେ ନାରାବାଜି କଲେ । ଗତକାଲି ଭଦ୍ରକ ଜିଲ୍ଲା ପୋଲିସ ପକ୍ଷରୁ ୧୩୯ ହୋମ ଗାର୍ଡ ପଦବୀ ପାଇଁ ଯୋଗ୍ୟ ବିବେଚିତ ପ୍ରାର୍ଥୀ ଙ୍କ ତାଲିକା ପ୍ରକାଶ ପାଇଥିଲା ଏନେଇ ପୋଲିସ ପକ୍ଷରୁ ସାମାଜିକ ଗଣମାଧ୍ୟମ ରେ ପୋଷ୍ଟ କରାଯାଇଥିଲା । ତତ୍ପରେ ବହୁ ଆଶାୟୀ ଏଥିରେ ଅନିୟମିତତା ହୋଇଥିବା ଅଭିଯୋଗ କରିଛନ୍ତି । ଆଜି ଏନେଇ ଅନେକ ଆଶାୟୀ ଭଦ୍ରଜ ଏସପି ଙ୍କୁ ଭେଟିଥିଲେ । ତାଙ୍କଠାରୁ ଏହାର ଉତର ଖୋଜିବାକୁ ଚେଷ୍ଟା କରିଥିଲେ । ଏସପିଙ୍କ ଉତର ରେ ସନ୍ତୁଷ୍ଟ ହୋଇନଥିଲେ ଆଶାୟୀ। ତେବେ ଆଶାୟୀ ମାନେ ଏସପିଙ୍କ କାର୍ଯ୍ୟାଳୟ ଆଗରେ ନାରାବାଜି କରିବା ସହିତ ହୋ ହାଲ୍ଲା କରିଥିଲେ । ପରେ ପୋଲିସ ଆଶାୟୀ ଙ୍କୁ ଘୋଉଡାଇଥିବା ଦେଖିବାକୁ ମିଳିଛି ।ତେବେ ଜିଲ୍ଲା ରେ ୧୩୯ ପଦବୀ ପାଇ ୭ହଜାର ରୁ ଅଧିକ ଆଶାୟୀ ଆବେଦନ କରିଥିଲେ ।ବିଭିନ୍ନ ପରୀକ୍ଷା ନିରୀକ୍ଷା ନିଜେ ଏସପି ଓ ଦୁଇ ଅତିରିକ୍ତ ଏସପି ଙ୍କ ତତ୍ୱାବଧାନ ରେ ଏହି ପରୀକ୍ଷା କରାଯାଇଥିଲା ।ଏହା ସତ୍ୱେ ମଧ୍ୟ ହୋମ ଗାର୍ଡ ପଦବୀ ପାଇଁ କିପରି ଅନିୟମିତତା ହେଲା ଏନେଇ ଅନେକ ପ୍ରଶ୍ନ କାଟିଛନ୍ତି ଆଶାୟୀ ମାନେ।
