ହାଟଡିହି- ୧୮ /୫ (ଓଡିଆପୁଅ / ବିକାଶ ବିଶ୍ୱାଳ) ସମଗ୍ର ଦେଶରେ କରୋନାର ଦ୍ୱିତୀୟ ଲହର ଏବେ ଦ୍ରୁତ ଗତିରେ ମାଡି ଚାଲିଛି । ହାଟଡିହି ବ୍ଲକର ବିଭିନ୍ନ ପଞ୍ଚାୟତରେ ମଧ୍ୟ ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏବେ ଗାଁ ଗାଁରେ ପଜେଟିଭି ସଂଖ୍ୟା ବୃଦ୍ଧି ପାଉଥିବାରୁ ଲୋକମାନଙ୍କ ମଧ୍ୟରେ ଭୟର ବାତାବରଣ ଦେଖା ଦେଇଛି । ତଥାପି ଳୋକମାନେ ସରକାରଙ୍କ କଟକଣାକୁ ମାନୁ ନଥିବା, ସାମାଜିକ ଦୁରତାକୁ ମାନୁ ନଥିବା ଦେଖିବାକୁ ମିଳିଛି । ଦୁଇଦିନ ଭିତରେ ପୁଣି ୩୬ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗତ ଦୁଇଦିନ ଭିତରେ ବଞ୍ଚୋ ପଞ୍ଚାୟତରେ ଜଣେ, ଓରାଳି ପଞ୍ଚାୟତରେ ୪ଜଣ, ଇଞ୍ଚୋଳ ପଞ୍ଚାୟତରେ ୨ଜଣ, ଆମ୍ବୋ ପଞ୍ଚାୟତରେ ୪ଜଣ, ଅକରୁଆ ପଞ୍ଚାୟତରେ ୨ଜଣ, ବଡରମ୍ପାସ ପଞ୍ଚାୟତରେ ୬ଜଣ, ହାଟଡିହି ପଞ୍ଚାୟତରେ ୨ଜଣ, ଜମ୍ଭୀରା ପଞ୍ଚାୟତରେ ଜଣେ, ଅଁରା ପଞ୍ଚାୟତରେ ଜଣେ ମରୈଗାଁ ପଞ୍ଚାୟତରେ ୪ଜଣ, ସମଣା ପଞ୍ଚାୟତରେ ୪ଜଣ, କଳିଗାଁ ପଞ୍ଚାୟତରେ ୨ଜଣ, ଏପରି ମୋଟ ୩୬ଜଣ ଚିହ୍ନଟ ହୋଇଛନ୍ତି । ବୋଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ ସୁଚନା ମିଳିଛି ।
