ଭଦ୍ରକ, ୧ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ସ୍ଥାନୀୟ ଚନ୍ଦ୍ରଭାନୁପୁର କ୍ରିକେଟ ପଡିଆରେ ହରମୋହନ ମହାପାତ୍ର ମେମୋରିଆଲ କ୍ରିକେଟ ୬ଷ୍ଠତମ ଟୁର୍ଣ୍ଣାମେଣ୍ଟର ଗୁରୁବାର ଅନୁଷ୍ଠିତ ୩ୟ କ୍ୱାଟର ଫାଇନାଲ ମ୍ୟାଚ ମର୍ଣ୍ଣିଂଷ୍ଟାର ବାଲେଶ୍ୱର ଓ ଭଦ୍ରକ ୟୁନିକ୍ ଏକାଦଶ ପରସ୍ପରକୁ ମୁକାବିଲା କରିଥିଲେ । ମଣ୍ଣିଂଷ୍ଟାର ଏକାଦଶ ଅଧିନାୟକ ଟସ ଜିଣି ପ୍ରଥମେ ଫିଲ୍ଡିଂ କରିବା ନିଷ୍ପତ୍ତି ନେଇଥିଲେ । ୟୁନିକ୍ ଏକାଦଶ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୯ ଉଇକେଟ ହରାଇ ୨୯୨ ରନ ସଂଗ୍ରହ କରିଥିଲା । ଦଳ ପକ୍ଷରୁ ସନ୍ତୋଷ ସିଂ ୧୩୮ ରନ ସ୍କୋର କରିଥିଲେ । ପ୍ରତିପକ୍ଷ ବୋଲର ଖଗେଶ ମିଶ୍ର ୪ ଓଭର ବୋଲିଂ କରି ୩୭ ରନ ଦେଇ ୧ ଉଇକେଟ ଅକ୍ତିଆର କରିଥିଲେ । ଜବାବରେ ମର୍ଣ୍ଣିଂଷ୍ଟାର ଏକାଦଶ ୧୦ ଓଭରରେ ସମସ୍ତ ଉଇକେଟ ହରାଇ ୧୧୧ ରନ ସଂଗ୍ରହ କରି ପରାଜିତ ହୋଇଥିଲା । ଦଳ ପକ୍ଷରୁ ଖଗେଶ ମିଶ୍ର୨୮ ଓ ଦିବ୍ୟଶକ୍ତି ଚକ୍ରବର୍ତ୍ତି ୨୪ ରନ ସ୍କୋର କରିଥିଲେ । ପ୍ରତିପକ୍ଷ ବୋଲର ବିନାୟକ ଶର୍ମା ୨ ଓଭର ବୋଲିଂ କରି ୧୨ ରନ ଦେଇ ୩ ଉଇକେଟ ଅକ୍ତିଆର କରିଥିଲେ । ମ୍ୟାନ ଅଫଦି ମ୍ୟାଚ ବିବେଚିତ ସନ୍ତୋଷ ସିଂଙ୍କୁ ପୂର୍ବତନ ସରପଞ୍ଚ ପ୍ରଶାନ୍ତ କୁମାର ସାହୁ ପୁରସ୍କୃତ କରିଥିଲେ । ରାମଚନ୍ଦ୍ର ଦାସ ଓ ଲଲାଟ କେଶରୀ ନନ୍ଦ ଅମ୍ପାୟାର ଭାବେ ମ୍ୟାଚ ପରିଚାଳନା କରିଥିଲେ । ପ୍ରମୋଦ ଜେନା ଓ ସଞ୍ଜିବ ପ୍ରଧାନ ସ୍କୋରର, ପ୍ରଦୀପ ଜେନା ଧାରାବିବରଣୀ ପ୍ରଦାନ କରିଥିଲେ ।
