ଭଦ୍ରକ, ୧୧ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ବ୍ଲକ ଅନ୍ତର୍ଗତ ଭଟସାହି ପଂଚାୟତ ର ମିର୍ଘାହାଟକୂଳ ଗ୍ରାମ ର ରମେଶ ବିଶ୍ୱାଳ ( ୬୨)ଙ୍କ ସାପ କାମୁଡାରେ ମୃତ୍ୟୁ ଘଟିଛି। ପ୍ରକାଶ ଥାଉକି ରବିବାର ରାତି ରେ ରମେଶ ଘରେ ଶୋଇଥିବା ବେଳେ ଏକ ବିସଧର ସାପ ତାଙ୍କ ଗୋଡ କୁ କାମୁଡି ଥିଲା ।ତାଙ୍କୁ ସଙ୍ଗେ ସଙ୍ଗେ ଭଦ୍ରକ ଡ଼ାକ୍ତରଖାନା କୁ ନିଆ ଯାଇଥିଲା ଥିଲା।ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ଡ଼ାକ୍ତରଖାନା ରେ ଭର୍ତି କରାଯାଇଥିଲା ମାତ୍ର ଡ଼ାକ୍ତର ରମେଶ କୁ ମୃତ ଘୋଷଣା କରିଥିଲେ । ଖବରପାଇ ସ୍ଥାନୀୟ ଭଟ୍ଟସାହି ପଂଚାୟତ ର ସରପଂଚ ସୀତାକାନ୍ତ ମିଶ୍ର,ସମିତି ସଭ୍ୟା ମିନତି ବିଶ୍ୱାଳ ସମେତ ବିଶିଷ୍ଟ ବ୍ୟକ୍ତି ମାନେ ମୃତ ରମେଶ ଙ୍କ ପରିବାର ଙ୍କୁ ସମବେଦନା ଜଣାଇଛନ୍ତି। ସୂଚନା ଥାଉ କି ରମେଶ ଜଣେ ଭଲ ଚାଷୀ ଓ ସମାଜସେବୀ ଭାବେ ଅଂଚଳ ରେ ବେଶ ପରିଚିତ ଥିଲେ ।ତାଙ୍କର ଅକାଳ ବିୟୋଗ ରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳି ଯାଇଛି।
