ଭଦ୍ରକ, ୧୮ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଚାନ୍ଦବାଲି ବ୍ଲକ୍ ଅଧୀନସ୍ଥ ଘେଂଟଶ୍ୱର ତୋଟାପଡା ପଂଚାୟତ ଘେଂଟଶ୍ୱରୀ ଗ୍ରାମର ସ୍ୱର୍ଗତଃ କୃଷ୍ଣଚନ୍ଦ୍ର ବାରିକଙ୍କ ପୁତ୍ର କମଳାକାନ୍ତ (୪୨) ବିଲ କାର୍ଯ୍ୟ ସାରି ଘରକୁ ଫେରୁଥିବା ସମୟରେ ତାଙ୍କ ଅଜଣାତରେ ଏକ ବିଷଧର ସାପ ତାଙ୍କୁ କାମୁଡି ଦେଇଥିଲା । ସେ କିଛିବାଟ ଆସିବା ପରେ ସାପଟିକୁ ଦେଖିଥିଲେ । ଏବଂ ଲୋକଙ୍କୁ କହିବାରୁ ୧୦୮ ଆମ୍ବୁଲାନ୍ସ ଡକାଇ ତାଙ୍କୁ ତିହିଡି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିଲା । କିନ୍ତୁ କିଛି ସମୟ ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେ ଘରର ଏକମାତ୍ର ରୋଜଗାରକ୍ଷମ ବ୍ୟକ୍ତି ଥାଇ ତାଙ୍କର ଛୋଟ ଛୋଟ ଶିଶୁପୁତ୍ର ଅଛନ୍ତି । ତେଣୁ ସରକାରଙ୍କ ପକ୍ଷରୁ ସହାୟତା ଯୋଗାଇଦେବାକୁ ଗ୍ରାମବାସୀମାନେ ଦାବି କରିଛନ୍ତି । ଖବର ପାଇ ଘେଂଟଶ୍ୱର ଫାଣ୍ଡି ପୁଲିସ୍ ମେଡିକାଲରେ ପହଂଚି ଶବ ଜବତ କରି ବ୍ୟବଚ୍ଛେଦ ପାଇଁ ଭଦ୍ରକ ମୁଖ୍ୟ ଚିକିିତ୍ସାଳୟକୁ ପଠାଇଛନ୍ତି ।
