ଭଦ୍ରକ, ୯ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ବିଲରେ କାମ କରୁଥିବା ବେଳେ ସର୍ପାଘାତରେ ଜଣେ ମହିଳାଙ୍କ ମୃତ୍ୟୁ ଘଟିଥିବା ଜଣାଯାଇଛି । ପ୍ରାପ୍ତ ଖବର ଅନୁଯାୟୀ ବାଂଶଡା ଥାନା ଯଶୀପୁର ପଂଚାୟତ ବଳସାହି ଗ୍ରାମର ଜୈନିକା ମହିଳା ପ୍ରଜ୍ଞା ପାରମିତା ପରିଡା(୩୮) ନିଜ ବିଲରେ ଚାଷ କାର୍ଯ୍ୟ କରୁଥିବା ସମୟରେ ସର୍ପାଘାତ ହୋଇତିଲା । ତୁରନ୍ତ ସଂପୃକ୍ତା ମହିଳାଙ୍କୁ ପରିବାର ଲୋକେ ଆଣି ପ୍ରଥମେ ଚାନ୍ଦବାଲି ମେଡିକାଲ ଏବଂ ପରେ ଭଦ୍ରକ ମେଡିକାଲକୁ ଚିକିତ୍ସା ପାଇଁ ନେଇଥିଲେ । ଭଦ୍ରକ ମେଡିକାଲରେ ଚିକିତ୍ସାଧୀନ ଅବସ୍ଥାରେ ସଂପୃକ୍ତ ମହିଳାଙ୍କ ମୃତ୍ୟୂ ଘଟିଥିଲା । ଏନେଇ ବାଂଶଡା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି ।
