ଭଦ୍ରକ, ୭ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକ ଜିଲା ବାସୁଦେବପୁରରେ ଏକ ସଡକ ଦୁର୍ଘଟଣା ଘଟିଯାଇଛି । ଦୁର୍ଘଟଣାରେ ଜଣେ ଛାତ୍ରର ମୃତ୍ୟୁ ହୋଇଥିବାବେଳେ ଅନ୍ୟ ଜଣେ ଆହତ ଥିବାର ଜଣାପଡିଛି । ସୂଚନା ଅନୁଯାୟୀ ସକାଳ ୧୦ ଘଟିକା ସମୟରେ ଦୁଇଜଣ ଛାତ୍ର ରିଙ୍କୁ ସାହୁ ଓ ମୃତ୍ୟୁଞ୍ଜୟ ବିଶ୍ୱାଳ ଏକ ବାଇକ୍ ଯୋଗେ ଯାଉଥିବାବେଳେ କଲେଜ ରୋଡ ନିକଟରେ ଥିବା ସାଇ ଶିବ ଦାନ୍ତ ଚିକିତ୍ସାଳୟ ପାଖରେ ଏକ ମାଲ୍ ବୋଝେଇ ଟ୍ରକ୍ ସହ ଧକ୍କା ହେବାରୁ ଦୁର୍ଘଟଣା ଘଟିଥିଲା । ଘଟଣାସ୍ଥଳରେ ରିଙ୍କୁ ସାହୁଙ୍କର ମୃତ୍ୟୁ ହୋଇଥିବାବେଳେ ମୃତ୍ୟୁଞ୍ଜୟ ବିଶ୍ୱାଳ ଆହତ ହୋଇଥିଲେ । ଏହାର ପ୍ରତିବାଦରେ ସ୍ଥାନୀୟ ଜନସାଧାରଣ ଓ ଛାତ୍ରଛାତ୍ରୀଙ୍କ ସମେତ ଏବିଭିପି ପକ୍ଷରୁ ମୃତ ଛାତ୍ରଙ୍କ ପରିବାରକୁ ଚାକିରୀ ଦେବା ସହ କ୍ଷତିପୂରଣ ଓ ରାସ୍ତା କାମ ଶୀଘ୍ର ସାରିବାକୁ ଦାବୀ କରି ଦୀର୍ଘ ସମୟ ପର୍ଯ୍ୟନ୍ତ ରାସ୍ତରୋକ ଜାରି ରଖିଥିଲେ ।
