କେନ୍ଦ୍ରାପଡା ୨୭/୪ (ଓଡ଼ିଆ ପୁଅ/ଚିତ୍ତରଞ୍ଜନ ଦାସ) – ଜିଲ୍ଲା ସ୍ୱାଧୀନତା ସଂଗ୍ରାମ ସମିତି ସଭାପତି ନକୁଳ ଚରଣ ଦାସ ଗତ କିଛି ଦିନ ହେବ ଅସୁସ୍ଥ ହୋଇ ପଡିଥିବା ସୂଚନା ମିଳିଛି। ସଂଗ୍ରାମୀ ଶ୍ରୀ ଦାସ ତାଙ୍କ ଗୁଲନଗରସ୍ଥିତ ବାସଭବନରେ ଥିବା ସମୟରେ ହଠାତ ଅସୁସ୍ଥ ହୋଇପଡିବାରୁ ପରିବାରବର୍ଗ ତାଙ୍କୁ କଟକ ବଡ ଡାକ୍ତରଖାନାର ଡାକ୍ତରଙ୍କ ସହିତ ଯୋଗାଯୋଗ କରି ତାଙ୍କୁ ଚିକିତ୍ସା କରୁଥିବା ଜଣାପଡିଛି। ତାଙ୍କ ଅସୁସ୍ଥତାର ଖବର ପାଇ ଜିଲ୍ଲା ପ୍ରତିଭା ପୂଜା ସଂସଦର ସଭାପତି ତଥା ସମାଜସେବୀ ପ୍ରଦିପ କୁମାର ମହାନ୍ତି ଓ ଡା.ଅଲେଖ ଚନ୍ଦ୍ର ଦାସ ତାଙ୍କ ବାସଭବନକୁ ଯାଇ ଶ୍ରୀ ଦାସଙ୍କ ଆଶୁ ଆରୋଗ୍ୟ କାମନା କରିବା ସହ ଡା. ଦାସ ତାଙ୍କ ସ୍ୱାସ୍ଥ୍ୟ ଅବସ୍ଥା ସମ୍ପର୍କରେ ପଚାରି ବୁଝିଥିଲେ।
