Home ଜିଲ୍ଲା ପରିକ୍ରମା ଶ୍ରୀରାମ ନବମୀ ମହୋତ୍ସବ-୨୦୨୫, ବାଲ୍ ବଜରଙ୍ଗୀଙ୍କ ସାଇକେଲ ଶୋଭାଯାତ୍ରା, ସାମିଲ୍ ହେଲେ ଦୁଇ ହଜାର ସ୍କୁଲ...

ଶ୍ରୀରାମ ନବମୀ ମହୋତ୍ସବ-୨୦୨୫, ବାଲ୍ ବଜରଙ୍ଗୀଙ୍କ ସାଇକେଲ ଶୋଭାଯାତ୍ରା, ସାମିଲ୍ ହେଲେ ଦୁଇ ହଜାର ସ୍କୁଲ ଛାତ୍ରଛାତ୍ରୀ

14

ଭଦ୍ରକ, ୩୧ା୩ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଶ୍ରୀରାମ ମହାଯଜ୍ଞ ସମିତି, ଭଦ୍ରକ ଆନୁକୁଲ୍ୟରେ ସୋମବାର ବାଲ ବଜରଙ୍ଗୀଙ୍କ ସାଇକେଲ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଏହି ଶୋଭାଯାତ୍ରାଟି ସକାଳ ୭ ଟାରେ ଭଦ୍ରକର ଗାନ୍ଧୀପଡ଼ିଆ ଠାରୁ ଆରମ୍ଭ ହୋଇ ସମଗ୍ର ଭଦ୍ରକ ସହର ପରିକ୍ରମା କରି ପୁନର୍ବାର ଗାନ୍ଧିପଡ଼ିଆରେ ଆସି ସମାପ୍ତ ହୋଇଥିଲା। ଏହାକୁ ଭଦ୍ରକର ଜିଲ୍ଲାପାଳ ଦିଲ୍ଲୀପ ରାଉତ ରାୟ, ଶ୍ରୀରାମ ମହାଯଜ୍ଞ ସମିତିର ସଭାପତି ବରିଷ୍ଠ ଆଇନଜୀବୀ ନିତ୍ୟାନନ୍ଦ ନାୟକ, କାର୍ଯ୍ୟକାରୀ ସଭାପତି ବ୍ୟେମକେଶ ସେନାପତି, ସାଧାରଣ ସମ୍ପାଦକ ଶରତ ପଢ଼ିଆରୀ, ସଂଯୋଜକ ଗୋବିନ୍ଦ ଚନ୍ଦ୍ର ରାଉତ, କୋଷା୍ମକ୍ଷ ନିରଞ୍ଜନ ସାହୁ, ସମ୍ପାଦକ ସ୍ୱରୂପା ନନ୍ଦ ମହାପାତ୍ର, ଉପଦେଷ୍ଟା ବଦ୍ରୀ ନାରାୟଣ ଧଳ, କାର୍ଯ୍ୟକ୍ରମର ସଂଯୋଜକ ବସନ୍ତ କୁମାର ରାଉତ ଶ୍ରୀଫଳ ବାଡେଇ ଶୁଭାରମ୍ଭ କରିଥିଲେ। ମାତୃଭୂମି ପାଇଁ ଉତ୍ସର୍ଗୀକୃତ ହଜାର ହଜାର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଶୋଭାଯାତ୍ରାରେ ସାମିଲ ହୋଇଥିଲେ । ସ୍କୁଲ ପିଲା ମାନଙ୍କ ଦ୍ୱାରା ଭାରତ ମାତା କୀ ଜୟ, ବନ୍ଦେ ମାତରମ୍‌, ଜୟ ଶ୍ରୀରାମ ଧ୍ୱନୀରେ ସମଗ୍ର ଭଦ୍ରକ ସହରରେ ନିଆରା ପରିବେଶ ସୃଷ୍ଟି ହୋଇଥିଲା। ସହରର ବିଭିନ୍ନ ଛକ ମାନଙ୍କରେ ପୁଷ୍ପ ଅର୍ପଣ କରାଯାଇ ସ୍ୱାଗତ କରାଯାଇଥିଲା। ଅନୁଷ୍ଠିତ ଏହି ସାଇକେଲ ଶୋଭାଯାତ୍ରାରେ ଶ୍ରୀରାମ ମହାଯଜ୍ଞ ସମିତିର ଉପ ସଭାପତି ତ୍ରିଲୋଚନ ନାୟକ, ସମ୍ପାଦକ ଆଇନଜୀବୀ ତୁଷାର କାନ୍ତ ଦାସ, ଉପଦେଷ୍ଟା ପ୍ରଦୀପ୍ତ ବିଶ୍ୱାଳ, ସହ କୋଷାଧ୍ୟକ୍ଷ ଶିବ ଶଙ୍କର ଦାସ, ନୂଆବଜାର ଶିଶୁ ମନ୍ଦିରର ପ୍ରଧାନ ଆଚାର୍ଯ୍ୟ ଭାଗବତ ମହାଳିକ, ଆଚାର୍ଯ୍ୟ ପ୍ରତାପ ଦାସ, ତପନ ମହାନ୍ତି, ରଞ୍ଜିତା ସ୍ୱାଇଁ, ପୁରୁଷୋତମ ମହାନ୍ତି, ହୃଷୀକେଶ ଗୋସ୍ୱାମୀ, ସନ୍ତୋଷ ସାହୁ, କଳ୍ପନା ଜେନା, ସୁଧୀର ଦ୍ୱିବେଦୀ, ନବନିତା ନାୟକ, କାହ୍ନା ଖୁଂଟିଆ, ସୁଜିତ୍ ପତି ପ୍ରମୁଖ ଉପସ୍ଥିତ ଥିଲେ। ରାଷ୍ଟ୍ରିୟ ଚେତନା, ରାଷ୍ଟ୍ରର ଅଖଣ୍ଡତା ମାତୃଭୂମିର ସେବା ଓ ରାଷ୍ଟ୍ରବାଦର ଉଦ୍ଦେଶ୍ୟ ସହ ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ଶ୍ରୀରାମଙ୍କର ତ୍ୟାଗ, ଆଦର୍ଶକୁ ଆଧାର କରିବାର ସଂକଳ୍ପ ନେଇ ପ୍ରତିବର୍ଷ ସ୍କୁଲ ଛାତ୍ରଛାତ୍ରୀ ଏହି ବାଲ ବାଜରଙ୍ଗୀ ସାଇକେଲ ଶୋଭାଯାତ୍ରା ଶ୍ରୀରାମ ମହାଯଜ୍ଞ ସମିତି, ଭଦ୍ରକ ପକ୍ଷରୁ ଅନୁଷ୍ଠିତ ହୁଏ ବୋଲି ସମ୍ପାଦକ ତଥା ଗଣମାଧ୍ୟମ ସଂଯୋଜକ ସ୍ୱାଧୀନ ସୁନ୍ଦର ଦାସ ପ୍ରକାଶ କରିଛନ୍ତି।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.