ଭଦ୍ରକ, ୧୯ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ)- : ଧାମନଗର ବ୍ଲକ ଅନ୍ତର୍ଗତ ଗୋବିନ୍ଦପୁର ଅଂଚଳର ଆଦର୍ଶବ୍ୟକ୍ତି ତଥା ବିଶିଷ୍ଟ ଶିକ୍ଷାବିତ୍ ଶରତଚନ୍ଦ୍ର ସାହୁଙ୍କ ପ୍ରଥମଶ୍ରାଦ୍ଧବାର୍ଷିକ ଉତ୍ସବ ଓ ସମ୍ବର୍ଦ୍ଧନା ସଭା ତାଙ୍କ ବାସଭବନ ପରିସରରେ ଅନୁଷ୍ଠିତ ହୋଇଯାଇଛି। ବିଶିଷ୍ଟ କଳାକାର କାଳନ୍ଦି ମଲ୍ଳିକଙ୍କ ସଭାପତିତ୍ୱରେ ମୁଖ୍ୟ ଅତିଥିଭାବେ ବରିଷ୍ଠ ସାମ୍ବାଦିକ ତଥା ଉତ୍କଳ ସାମ୍ବାଦିକ ସଂଘର ଜିଲ୍ଲା ସଭାପତି ରବିନାରାୟଣ ଖିଲାର, ମୁଖ୍ୟବକ୍ତା ଜିଲ୍ଲାପରିଷଦ ଉପା୍ମକ୍ଷା ଟୁନିବାଳା ବିଶ୍ୱାଳ, ଦାରିଂବାଡ଼ି ତହସିଲଦାର ଚାର୍ଲସ ନାୟକ, ସମ୍ମାନିତ ଅତିଥିଭାବେ ସମାଜସେବୀ ରମାକାନ୍ତ ପଣ୍ଡା, ଧାମନଗର ପ୍ରେସ୍ କ୍ଳବର ସାଧାରଣ ସମ୍ପାଦକ ପ୍ରଦୀପ କୁମାର ମହାପାତ୍ର, କବି ଦୟାନିଧି ମିଶ୍ର, କଳାକାର ମନୋଜ ପଣ୍ଡା, ସାରଥି ପଣ୍ଡା ପ୍ରମୁଖ ଯୋଗଦେଇ ସ୍ୱର୍ଗତ ଶରତଚନ୍ଦ୍ର ସାହୁଙ୍କର ସମାଜସେବା ଓ ଶିକ୍ଷକତା ସମୟରେ ଛାତ୍ରବତ୍ସଳତା ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ। ଏହି ଅବସରରେ ନାରିନେତ୍ରୀ କଳ୍ପନା ଜେନା, ଶିକ୍ଷକ ସୁବାଶ ସାହୁ, କୁନି ନାୟକ, ସଂଜୀବ ନାୟକ, ପୂର୍ବତନ ସରପଂଚ ଜୟନ୍ତୀ ନାୟକ, ପ୍ରଭାତ ଜେନାଙ୍କ ସମେତ ବିଶିଷ୍ଟ ବ୍ୟକ୍ତି ଓ ସାମ୍ବାଦିକ ମାନେ ସ୍ୱର୍ଗତ ସାହୁଙ୍କ ‘ଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ। ଏହି ଅବସରରେ ଶିକ୍ଷା, କଳା ଓ ସାମ୍ବାଦିକତା କ୍ଷେତ୍ର କୃତିତ୍ୱ ଅର୍ଜନ କରିଥିବା ସୁନାମଧନ୍ୟ ବ୍ୟକ୍ତିମାନଙ୍କୁ ସମ୍ବର୍ଦ୍ଧିତ କରାଯାଇଥିଲା। ସାମ୍ବାଦିକ ସନ୍ତୋଷ କୁମାର ଦାସ ଅତିଥିପରିଚୟ ପ୍ରଦାନ କରିଥିବାବେଳେ ସ୍ୱର୍ଗତ ସାହୁଙ୍କ ସୁପୁତ୍ର ଅଭୟ କୁମାର ସାହୁ ଶେଷ ସ୍ପର୍ଷ ପ୍ରଦାନ କରିଥିଲେ।
