ଭଦ୍ରକ, ୨୪ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଉପର ମୁଣ୍ଡରେ ଲଗାଣ ବର୍ଷା ଯୋଗୁଁ ଫୁଲୁଛି ବୈତରଣୀ ନଦୀ । ବିପଦ ସଙ୍କେତ ଉପରେ ପ୍ରବାହିତ ହେଉଛି ବନ୍ୟା ଜଳ । ଆଖୁଆପଦା ଆନିକଟ ଠାରେ ବିଭାଗୀୟ ଅଧିକାରୀ ଉପସ୍ଥିତରେ ସ୍ଥିତି ଅନୁଧ୍ୟାନ କରିଛନ୍ତି ଭଣ୍ଡାରିପୋଖରୀ ବିଧାୟକ ସଂଜୀବ୍ କୁମାର ମଲ୍ଲିକ । ଷୋଳମପୁର ପଂଚାୟତ ବିନ୍ଧାଣ ଠାରେ ନଦୀ ବନ୍ଧ ଧସିଯାଇଥିବା ର ଖବର ପାଇ ବିଭାଗୀୟ ଅଧିକାରୀ ଙ୍କ ସମେତ ସ୍ଥାନୀୟ ଅଂଚଳର ନେତୃମଣ୍ଡଳୀ ଭଣ୍ଡାରିପୋଖରୀ ବ୍ଲକ୍ ଅଧ୍ୟକ୍ଷା ସୁମତୀ ସେଠୀଙ୍କ ଉପସ୍ଥିତିରେ ବିଧାୟକ ଶ୍ରୀ ମଲ୍ଲିକ ବୁଲି ସ୍ଥିତି ଅନୁଧ୍ୟାନ କରିଛନ୍ତି । ଏବଂ ସାଧାରଣ ଜନତାଙ୍କ ସୁରକ୍ଷା ଧନଜୀବନ ସୁରକ୍ଷା କୁ ନଜରରେ ରଖି ଯଥାଶୀଘ୍ର ମରାମତି କରିବା ସହ ସରକାରୀ ସହାୟତା ଯୋଗାଇଦେବା ସହ ଆବଶ୍ୟକତା ଅନୁଯାୟୀ ଶୁଖିଲା ଖାଦ୍ୟ ଓ ମେଡ଼ିସିନ ପ୍ରସ୍ତୁତ ରଖିବା ନେଇ ପଂଚାୟତ ସମିତି ଅଧ୍ୟକ୍ଷା ସୁମତୀ ସେଠୀ ଓ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ପରାମର୍ଶ ଦେଇଛନ୍ତି ।
