ଭଦ୍ରକ, ୨୯ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ରୋଟାରୀ କ୍ଳବ ମିଡ ଟାଉନ ଭଦ୍ରକ ପକ୍ଷରୁ କ୍ଲବ ପରିସରରେ ପ୍ରତିଭା ସମ୍ବର୍ଦ୍ଧନା ଉତ୍ସବ କୋଭିଡ଼ କଟକଣାରେ କରାଯାଇଛି । ଭଦ୍ରକ ଜିଲ୍ଲାରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ରଖିଥିବା ବ୍ୟକ୍ତି ବିଶେଷ, ବିଭିନ୍ନ ପ୍ରତିଭାର ଅଧିକାରୀ ମାନଙ୍କୁ ପ୍ରତିବର୍ଷ କ୍ଲବ ତରଫରୁ ସମ୍ମାନିତ କରାଯାଇଥାଏ । ଚଳିତ ବର୍ଷ କୋଭିଡ଼ କଟକଣା ବଳବତ୍ତର ଥିବାରୁ ଏହି ଉତ୍ସବକୁ ସମ୍ପୂର୍ଣ୍ଣ ନିରାଡମ୍ବର ଭାବେ ପାଳନ କରାଯାଇଥିଲା । ରୋଟାରିଆନ ଅତିଶ ବେହେରାଙ୍କ ସଂଯୋଜନାରେ ଅନୁଷ୍ଠିତ ପ୍ରତିଭା ସମ୍ମାନ ଉତ୍ସବରେ ଭଦ୍ରକ ବାର୍ ଆସୋସିଏସନର ସଭାପତି ଦିଲିପ କୁମାର ମହାପାତ୍ର, ସମ୍ପାଦକ ଜୀତେନ୍ଦ୍ର କୁମାର ପଣ୍ଡା, ଉପସଭାପତି କରୁଣାକର ଦାସ, ଧାମନଗର ବାର୍ ଆସୋସିଏସନର ସଭାପତି ଅଭିରାମ ମହାନ୍ତି ଏହି ଉତ୍ସବରେ ଅତିଥି ଭାବେ ଯୋଗ ଦେଇଥିଲେ । ଏହି ଅବସରରେ ଜିଲ୍ଲାପାଳଙ୍କ ବ୍ୟକ୍ତିଗତ ସହାୟକ ତଥା ଜଣେ ବିଶିଷ୍ଟ ପରୋପକାରୀ ବ୍ୟକ୍ତିତ୍ୱ ପ୍ରଦିପ୍ତ ବାଘ, ରାଷ୍ଟ୍ରପତି ପୁରସ୍କାରପ୍ରାପ୍ତ ହୋମ୍ଗାର୍ଡ କମ୍ପାନୀ କମାଣ୍ଡାଣ୍ଟ ବରୁଣ ମିତ୍ର, ହୋମଗାର୍ଡ ରମେଶ ମହାନ୍ତିଙ୍କୁ ମାନପତ୍ର, ଉପଢୌକନ, ମାସ୍କ, ସାନିଟାଇଜର ଦେଇ ସମ୍ମାନିତ କରାଯାଇଥିଲା । ଉତ୍ସବରେ ରୋଟାରୀ ମିଡ଼ ଟାଉନର ସଭାପତି ଅମିତ୍ ମଲ୍ଲିକ, ପ୍ରୀତିରଂଜନ ଜେନା, ଶିଶିର ମିଶ୍ର, ଅଶୋକ ଲାଖାନୀ, ସନାତନ ଜେନା, ପବିତ୍ର ଖିଲାର, ଇନ୍ଦ୍ରଜିତ ସିଂ, ବେଦ ପ୍ରକାଶ ଗୁପ୍ତା, ପ୍ରମୋଦ ଲାଖାନୀ, ରତନଲାଲ ଗୁପ୍ତା, ଅଶୋକ ଶତପଥି, ରାହୁଲ ଖେରିଆଙ୍କ ସମେତ ଜିଲ୍ଲା ଲୋକ ସମ୍ପର୍କ ଅଧିକାରୀ ଗୋଲଖ ଚନ୍ଦ୍ର ବେହେରା, ପଦ୍ମନ ରାୟଙ୍କ ସହିତ ରୋଟାରୀ କ୍ଲବ ଭଦ୍ରକର ସଭାପତି ଓ ସଦସ୍ୟମାନେ ମଧ୍ୟ ଉପସ୍ଥିତ ଥିଲେ ।
