ଭଦ୍ରକ, ୧୫ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ କେନ୍ଦୁଆପଦା ରେଳ ଷ୍ଟେସନର ଆନନ୍ଦ ବଜାର କେବିନ ନିକଟସ୍ଥ ରେଳ ଲାଇନରୁ ଗତକାଲି ରାତିରେ ଜଣେ ଯୁବକର ମୃତ ଦେହ ଉଦ୍ଧାର ହୋଇଛି । ପ୍ରାପ୍ତ ସୂଚନା ମୁତାବକ ଆନନ୍ଦ ବଜାର ଛକ ନିକଟରେ ସ୍ଥାନୀୟ ଦୋକାନୀ ଯାହା ଦେଖିଥିଲେ ରାତି ୩.୩୦ ମିନିଟ ରୁ ୪.୦୦ ଟା ସମୟ ମଧ୍ୟରେ ମୃତ୍ୟୁବରଣ କରିଥିବା ଯୁବକଟି କାହା ସହିତ ଦୀର୍ଘ ସମୟ ଧରି ମୋବାଇଲ୍ରେ କଥା ହେଉଥିଲେ । କିଛି ସମୟ ପରେ ଦେଖିଲା ବେଳକୁ ଯେଉଁ ଜାଗାରେ ତାଙ୍କର ଓଲା ସ୍କୁଟରଟି ଥିଲା, ସେଠାରେ ସେ ନଥିଲେ । ଲୋକେ ଦେଖିଲା ବେଳକୁ ସେ ଟ୍ରେନରେ ସମ୍ପୂର୍ଣ୍ଣ କଟିଯାଇ ମୃତ୍ୟୁ ବରଣ କରିସାରିଥିଲେ । ମୃତ୍ୟୁ ବରଣ କରିଥିବା ଯୁବକଟି ଘର ଭଦ୍ରକ ଜିଲ୍ଲା ସାବରଙ୍ଗ ଥାନା କେଦାରପୁର ପଂଚାୟତ ଅଧିନ ଶେରପୁର ଗ୍ରାମର ବିଶୁ ବାରିକଙ୍କ ପୁତ୍ର ଲଲାଟେନ୍ଦୁ । ସେ ୟୁନିଅନ ବ୍ୟାଙ୍କରେ ଚାକିରୀ କରୁଥିଲେ । ତେବେ ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇଛି ତାହା ଜଣା ପଡି ନ ଥିଲା ବେଳେ ରେଳବାଇ ପୋଲିସ ତାଙ୍କ ଘର ଲୋକ ଙ୍କୁ ଖବର ଦେଇଛି ଓ ପ୍ରାଥମିକ ତଦନ୍ତ ଆରମ୍ଭ କରିଛି ।
