କେନ୍ଦ୍ରାପଡା ୩୧/୩ (ଓଡ଼ିଆ ପୁଅ/ଚିତ୍ତରଞ୍ଜନ ଦାସ) – ରାଇଡ ସ୍ୱେଛାସେବୀ ସଂଗଠନ ପକ୍ଷରୁ ମାଗଣା ମାସ୍କ ବଂଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ଜିଲ୍ଲାପାଳ ସମର୍ଥ ବର୍ମା ଅତିଥି ଭାବରେ ଯୋଗଦେଇ ଇଛାପୁରସ୍ଥିତ ରଥଦାଣ୍ଡରେ ପରିବା ଦୋକାନୀ, ଗ୍ରୋସରୀ ଦୋକାନୀମାନଙ୍କୁ ଏହି ମାଗଣା ମାସ୍କ ବୀତରଣ କରି ସେମାନଙ୍କୁ କରୋନା ଭୂତାଣୁ ସଂକ୍ରମଣରୁ କିଭଳି ସୁରକ୍ଷା ପାଇବେ ସେ ସମ୍ପର୍କରେ ସଚେତନତାର ବାର୍ତ୍ତା ପ୍ରଦାନ କରିଥିଲେ। ନାବାର୍ଡ ପକ୍ଷରୁ ଆୟୋଜିତ କ୍ଷୁଦ୍ର ଉଦ୍ୟୋଗୀ ସିଲେଇ ଶିକ୍ଷା ତାଲିମ ପାଇଥିବା ସ୍ୱୟଂ ସହାୟିକା ଗୋଷ୍ଠିର ୩୦ଜଣ ମହିଳା ସଦସ୍ୟା ପ୍ରସ୍ତୁତ କରି ରାଇଡ ସ୍ୱେଛାସେବୀ ସଂଗଠନକୁ ବୀତରଣ ପାଇଁ ଦେଇଥିବା ଏହି ମାସ୍କ ଗୁଡିକୁ ଇଛାପୁର ରଥଦାଣ୍ଡ ବ୍ୟତିତ ଜିଲ୍ଲା ମୁଖ୍ୟ ଚିକିତ୍ସାଳୟରେ ରୋଗୀ ଓ ସେମାନଙ୍କ ସହାୟତାକାରୀଙ୍କୁ ମଧ୍ୟ ବୀତରଣ କରାଯାଇଥିଲା। ସଂଗଠନର ସମ୍ପାଦକ କିଶୋର କୁମାର ସାହୁ, ପ୍ରକଳ୍ପ ପରିଚାଳକ ପ୍ରଦୀପ ନାୟକ, କାର୍ତ୍ତିକ ଚନ୍ଦ୍ର ବେହେରା ପ୍ରମୁଖ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ।
