ଭଦ୍ରକ, ୧୩ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଧାମନଗର ବିଜ୍ଞାପିତ ଅଂଚଳର ମହାନ୍ତିସାହି (ମନ୍ତେଇବାଟି) ଗ୍ରାମର ନିରଂଜନ ସ୍ୱାଇଁଙ୍କ ପୁଅ ନରେନ୍ଦ୍ର ସ୍ୱାଇଁ (ପପାନି) (୨୯)ଙ୍କ ଆଜି ସକାଳେ ନିଜ ଶୋଇବା ଘରେ ନିଜ ବେକରେ ରଶିଲଗାଇ ଆତ୍ମହତ୍ୟା କରିଛି । ସକାଳୁ ପପାନି ଉଠି ନିତ୍ୟକର୍ମସାରି ପୁଣି ଘରେ ଶୋଇବା ପରେ ଆଉ ଉଠିନଥିଲେ । ଘରଲୋକମାନେ କବାଟ ବାଢାଇଥିଲେ । ତେବେ କବାଟ ନଖୋଲିବାରୁ କବାଟ ଭାଙ୍ଗିବାପରେ ପପାନି ନିଜ ବେକରେ ରଶିଲଗାଇ ଝୁଲୁଥିଲେ । ତାକୁ ସଂଗେ ସଂଗେ ଧାମନଗର ମେଡ଼ିକାଲ ଆଣିଥିବାବେଳେ ଡ଼ାକ୍ତର ତାଙ୍କୁ ମୃତଘୋଷଣା କରିଥିଲେ । ଖବରପାଇଁ ଧାମନଗର ପୋଲିସ ଘଟଣା ସ୍ଥଳରେ ପହଂଚି ଏକ ଅପମୃତ୍ୟୁ ମାମଲା ରୁଜୁ କରି ଶବବ୍ୟବଚ୍ଛେଦ ପାଇଁ ଭଦ୍ରକ ପଠାଇଥିଲେ । ତେବେ ମୃତ୍ୟୁର କାରଣ ଅଷ୍ପଷ୍ଟ ହୋଇଥିବାବେଳେ ଘରୋଇକଳି କିମ୍ବା ପ୍ରେମଜନିତ ଘଟଣାରୁ ପପାନି ଆତ୍ମହତ୍ୟା କରିଥାଏ ପାରେ ବୋଲି ପୋଲିସ ଅନୁମାନ କରୁଛି । ତେବେ ଶବବ୍ୟବଛେଦ ରିପୋର୍ଟ ଆସିବାପରେ ସତ୍ୟତା ଜଣାପଡ଼ିବବୋଲି ପୋଲିସ ମଧ୍ୟ କହିଛି ।
