ମୁମ୍ବାଇ୨୮ ଅଗଷ୍ଟ (ଓଡ଼ିଆ ପୁଅ/ପ୍ରଭାକର ଦଳାଇ) ବମ୍ବେ ହାଇକୋର୍ଟ କହିଛନ୍ତି ଯେ ଯୌନ ଉଦ୍ଦେଶ୍ୟ ନ ରଖି ନାବାଳିକା ଗାଲକୁ ଛୁଇଁବା ପୋସ୍କୋ ଆକ୍ଟ ଅନୁଯାୟୀ ଯୌନ ନିର୍ଯାତନା ନୁହେଁ। ୧୩ ମାସ ଜେଲରେ ବିତାଇଥିବା ୪୬ ବର୍ଷ ବୟସ୍କ ଚିକେନ୍ ବିକ୍ରେତାଙ୍କୁ ଏହି ମାମଲାରେ କୋର୍ଟ ଜାମିନ ପ୍ରଦାନ କରିଛନ୍ତି। କୋର୍ଟ କହିଛନ୍ତି ଯେ ସାକ୍ଷ୍ୟ ପ୍ରମାଣ ନଥି ପତ୍ରରୁ ଏହା ସ୍ପଷ୍ଟ ହେଉଛି ଯେ, ଯୌନ ଲାଳସା ରଖି ସେ ନାବାଳିକାର ଗାଲକୁ ଛୁଇଁ ନାହାଁନ୍ତି। କୋର୍ଟ କହିଛନ୍ତି ଯେ ‘ଏହି ତଥ୍ୟକୁ ବିଚାରକୁ ନେଇ ଆବେଦନକାରୀଙ୍କୁ ଜାମିନରେ ଛାଡି ଦିଆଯାଉଛି। ହାଇକୋର୍ଟ, ଯଦିଓ ସ୍ପଷ୍ଟ କରିଛନ୍ତି ଯେ ତାଙ୍କ ବିରୋଧରେ କରାଯାଇଥିବା ଅଭିଯୋଗଗୁଡିକ ଭିତ୍ତିହୀନ ଏବଂ ବ୍ୟବସାୟୀକ ଶତ୍ରୁତାକୁ ନେଇ ଏପରି କରାଯାଇଛି।
ଜୁଲାଇ ୨୦୨୦ ରେ ଆଠ ବର୍ଷ ଝିଅ ମାଆ ତାଙ୍କ ଦୋକାନକୁ ଯିବାବେଳେ ଅଭିଯୁକ୍ତ ତାଙ୍କୁ ଅନୁପଯୁକ୍ତ ଭାବେ ଛୁଇଁଥିବା ଅଭିଯୋଗ କରିବା ପରେ ସଂପୃକ୍ତ ବ୍ୟକ୍ତିଙ୍କୁ ଗିରଫ କରାଯାଇଥିଲା। ଅଭିଯୁକ୍ତଙ୍କ ଜାମିନ ଆବେଦନ ପୂର୍ବରୁ ଟ୍ରାଏଲ କୋର୍ଟ ଦ୍ୱାରା ପ୍ରତ୍ୟାଖ୍ୟାନ କରାଯାଇଥିଲା। ଓକିଲ ରାମ ପ୍ରସାଦ ଅଭିଯୁକ୍ତଙ୍କ ପାଇଁ ହାଜର ହୋଇ ଦାଖଲ କରିଥିଲେ ଯେ ବ୍ୟବସାୟିକ ପ୍ରତିଦ୍ୱନ୍ଦ୍ୱିତାକୁ ନେଇ ଅଭିଯୋଗକାରୀ ମିଥ୍ୟା ଅଭିଯୋଗ କରିଛନ୍ତି।
ପ୍ରତିପକ୍ଷ କହିଛନ୍ତି ଯେ ଅଭିଯୁକ୍ତ ଲାଭଜନକ ବ୍ୟବସାୟରେ ନିଯୁକ୍ତ ଥିଲା ଏବଂ ସେହି ରୋଜଗାରରୁ ତାଙ୍କ ପରିବାର ପ୍ରତିପୋଷଣ କରୁଥିଲା। ତେବେ ସେ ପଳାୟନ କିମ୍ବା ଯେ କୌଣସି ପରୀକ୍ଷା ପାଇଁ ଉପସ୍ଥିତ ନ ହେବା ଉପରେ କୌଣସି ପ୍ରଶ୍ନ ଉଠାଇବାର ନାହିଁ।
ଅଭିଯୋଗ ହୋଇଥିଲା ଯେ, ପଡିଶା ଘରେ ରହୁଥିବା ଅଭିଯୋଗକାରୀ ଝିଅକୁ ତାଙ୍କ ଦୋକାନକୁ ଆସିବାକୁ ସଙ୍କେତ ଦେବା ପରେ ଝିଅଟି ଭିତରକୁ ଗଲା। କିଛି ସମୟ ପରେ ଅଭିଯୁକ୍ତ ବାହାରକୁ ଆସି ଚାରିପାଖକୁ ଚାହିଁ ଭିତରକୁ ଯାଇ ସଟରକୁ ବନ୍ଦ କରିଦେଲା।
ଏହାସହ ଅଭିଯୋଗ ହୋଇଥିଲା ଯେ ଯେତେବେଳେ ଅନ୍ୟ ଜଣଙ୍କ ସାହାଯ୍ୟରେ ସଟର ଖୋଲାଯାଇଥିଲା ସେତେବେଳେ ଅଭିଯୁକ୍ତ ଜଣକ ପିଲାଙ୍କ ସହ ଅସଦାଚରଣ କରୁଥିବା ଦେଖିବାକୁ ମିଳିଥିଲା।
