ଯୋଡା, ୧୮/୧୧ (ଓଡିଆ ପୁଅ / ସେକ୍ ଜାବିର ମହମ୍ମଦ) : ଯୋଡା ପୌରପାଳିକା ପକ୍ଷରୁ ବୁଧବାର ଦିନ ପୂର୍ବାହ୍ନରେ ଏକ ନୂତନ ହଜାର ଲିଟର ବିଶିଷ୍ଟ ସେସପୁଲ ଗାଡି ପୌରପାଳିକା କାର୍ଯ୍ୟାଳୟ ସମ୍ମୁଖରେ ଲୋକାର୍ପିତ ହୋଇଯାଇଛି । ଏହାକୁ ସବୁଜ ପତାକା ଦେଖାଇ ଯୋଡା ପୌର କାର୍ଯ୍ୟନିର୍ବାହୀ ଅଧିକାରୀ ସୂର୍ଯ୍ୟମଣୀ ପାଟ୍ଟଯୋଶୀ ଶୁଭ ଉଦ୍ଘାଟନ କରିଥିଲେ । ପୂର୍ବରୁ ଯୋଡା ପୌରପାଳିକାରେ ଏକ ୧୦ ହଜାର ଲିଟରର ଏକ ବଡ ସେସପୁଲ ଥିବା ବେଳେ ଏହା ଯୋଡା ପୌରାଞ୍ଚଳର ବିଭିନ୍ନ ଗଳିକନ୍ଦିରେ ପଶି ପାଇଖାନା ସଫା କରିବାରେ ସକ୍ଷମ ହୋଇପାରୁନଥିଲା । ତେଣୁ ଜନସାଧାରଣଙ୍କ ଅନୁରୋଧ କ୍ରମେ ଏହି ୧୦୦ ଲିଟର ବିଶିଷ୍ଟ ଛୋଟ ସେସପୁଲ ପୌରପାଳିକା ଜନସାଧାରଣଙ୍କ ନିମନ୍ତେ ଆଣି ଲୋକାର୍ପିତ କରିଛନ୍ତି । ଏହା ଦ୍ୱାରା ଅଧିକରୁ ଅଧିକ ହିତାଧିକାରୀ ଉପକୃତ ହୋଇପାରିବେ ବୋଲି ପୌରପାଳିକା ପକ୍ଷରୁ ସୂଚନା ଦିଆଯାଇଛି ।
