ଜଗତସିଂହପୁର,୨୪/୧୦,(ଓଡ଼ିଆ ପୁଅ ପି ନାୟକ): ଆଜି ଜଗତସିଂହପୁର ରେ ଏକ ପୋଖରୀରୁ ଜଣେ ଯୁବକଙ୍କ ମୃତ ଦେହ ଉଦ୍ଧାର କରାଯାଇଛି । ତିତ୍ରୋଲ ଥାନା କଟରା ବଜାର ନିକଟସ୍ଥ ଏକ ପୋଖରୀରେ ଯୁବକଙ୍କର ମୃତ ଦେହକୁ ପୋଲିସ ଆଜି ଉଦ୍ଧାର କରିଛି । ତେବେ ମୃତ ଯୁବକ ଜଣକ ଜଜାଙ୍ଗ ଗାଁର ରଶ୍ମିରଞ୍ଜନ ସ୍ୱାଇଁ ବୋଲି ଜଣାପଡ଼ିଛି । ସେ ଗତ ମଙ୍ଗଳବାର ସନ୍ଧ୍ୟାରୁ ନିଖୋଜ ଥିଲେ । ତେବେ ତାଙ୍କୁ କେହି ରାଗରେ ହତ୍ୟା କରି ପୋଖରୀରେ ଫିଙ୍ଗି ଦେଇଛି ବୋଲି ପୋଲିସ ସନ୍ଦେହ କରୁଛି । ବର୍ତ୍ତମାନ ଏହି ମୃତ୍ୟୁ ର କାରଣ ପୋଲିସ ଖୋଜୁଛି ।
