ଭଦ୍ରକ, ୧୭ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକର ନେରଡା ପଞ୍ଚାୟତ ଯଶୋଟିକିରି ବୈତରଣୀ ନଦୀକୂଳ ପଡିଆରେ ଅନୁଷ୍ଠିତ ୨୭ତମ ମହାବୀର କପ କ୍ରିକେଟ ଟୁର୍ଣ୍ଣାମେଣ୍ଟର ବୁଧବାର ଅନୁଷ୍ଠିତ ଶେଷ କ୍ୱାଟର ଫାଇନାଲ ମ୍ୟାଚ ଭୁବନେଶ୍ୱର ଡ୍ରିମ ସି.ଆର.ପି.ଏଫ. ଦଳ ଓ ଯାଜପୁର ୧୧ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଯାଜପୁର ୧୧ ଦଳ ଟସ ଜିଣି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୫ ଓଭରରେ ୬ ଉଇକେଟ ହରାଇ ୨୪୦ ରନ ସ୍କୋର କରିଥିଲା । ବ୍ୟାଟ୍ସମ୍ୟାନ ଅଭିଳାଷ ରାଉତରାୟ ୬୫ ରନ, ପ୍ରଦୀପ ଦାସ ୬୦ ଓ ମାଧବ ଦୀକ୍ଷିତ ୪୯ ରନ ହାସଲ କରିଥିଲେ । ପ୍ରତିପକ୍ଷ ବୋଲର ଜୀବନ ଜ୍ୟୋତି ଜେନା ୩ ଓଭର ବୋଲିଂ କରି ୩୨ ରନ ବିନିମୟରେ ୧ ଉଇକେଟ ଅକ୍ତିଆର କରିଥିଲେ । ଜବାବରେ ଡ୍ରିମ ସି.ଆର.ପି.ଏଫ. ଦଳ ୨୧.୨ ଓଭରରେ ସମସ୍ତ ଉଇକେଟ ହରାଇ ୧୬୧ କରି ପରାଜିତ ହୋଇଥିଲା । ଏହି ଦଳର ବ୍ୟାଟ୍ସମ୍ୟାନ ପୁରୁଷୋତ୍ତମ ୪୬ ଓ ସୁମନ ଦାସ ୩୫ ରନ ସ୍କୋର କରିଥିଲେ । ପ୍ରତିପକ୍ଷ ବୋଲର ରଜନୀକାନ୍ତ ଦାସ ୪ ଓଭର ବୋଲିଂ କରି ୩୩ ରନ ବିନିମୟରେ ୩ ଉଇକେଟ ହାସଲ କରିଥିଲେ । ଯାଜପୁର ୧୧ ଦଳ ୭୯ ରନରେ ବିଜୟ ହାସଲ କରିଥିଲା । ପ୍ରଦୀପ ଦାସ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ । ଦୁର୍ଗା ପ୍ରସାଦ ପଟ୍ଟନାୟକ ଓ ଅଶୋକ ରାଉତ ଅମ୍ପାୟାର ଭାବେ ମ୍ୟାଚ ପରିଚାଳନା କରିଥବା ବେଳେ ରାଜେନ୍ଦ୍ର ରାଉତ ଓ ବୃନ୍ଦାବନ ନାୟକ ସ୍କୋରର, ପ୍ରତ୍ୟୁଷ ସାହୁ ଓ ପ୍ରଶାନ୍ତ ପଟ୍ଟନାୟକ ଧାରାବିବରଣୀ ପ୍ରଦାନ କରିଥିଲେ । ମାନସ କୁମାର ପଣ୍ଡା ମ୍ୟାଚ ରେଫରୀ ଦାଇତ୍ୱ ତୁଲାଇଥିଲେ । ଗୁରୁବାର ହେବାକୁ ଥିବା ପ୍ରଥମ ସେମିଫାଇନାଲ ମ୍ୟାଚ ଆଦର୍ଶ କ୍ଲବ ବାଲେଶ୍ୱର ଓ ରୋଭର୍ସ କ୍ଲବ କଟକ ମଧ୍ୟରେ ଅନୁଷ୍ଠିତ ହେବ ।
