ମୋଦୀ ସରକାର-୨.୦ : ମନ୍ତ୍ରୀମଣ୍ଡଳର ରୂପରେଖ

ନୂଆ ଦିଲ୍ଲୀ ୩୧-୫ (ଓଡ଼ିଆ ପୁଅ) ମୈଂ ନରେନ୍ଦ୍ର ଦାମୋଦର ଦାସ ମୋଦୀ…..ଏହି ଶବ୍ଦ ସହିତ ଗୁରୁବାର ସଂଧ୍ୟାରେ ନରେନ୍ଦ୍ର ମୋଦୀ ଦ୍ୱିତୀୟ ଥର ପ୍ରଧାନମନ୍ତ୍ରୀ ପଦର ଶପଥ ନେଇଛନ୍ତି। ଲୋକସଭା ନିର୍ବାଚନରେ ଜନତାଙ୍କର ପ୍ରଚଣ୍ଡ ବିଶ୍ଵାସ ଜୀତିଥିବା ନରେନ୍ଦ୍ର ଦାମୋଦରଦାସ ମୋଦୀ ଗୁରୁବାର ସଂଧ୍ୟା ସାତଟା ସମୟରେ ପ୍ରଧାନମନ୍ତ୍ରୀଭାବେ ନିଜର ଦ୍ୱିତୀୟ କାର୍ଯ୍ୟକାଳ ପ୍ରାରମ୍ଭ କରିଛନ୍ତି। ରାଷ୍ଟ୍ରପତି ରାମନାଥ କୋବିନ୍ଦ ରାଷ୍ଟ୍ରପତି ଭବନରେ ଆୟୋଜିତ ଭବ୍ୟ ସମାରୋହରେ ମୋଦୀଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇଥିଲେ। ମୋଦୀଙ୍କ ସମେତ ଟିମର ସର୍ବମୋଟ ୫୮ ଜଣ ସଦସ୍ୟ ଶପଥ ନେଇଛନ୍ତି। ଭାରତୀୟ ଜନତା ପାର୍ଟି ଅଧ୍ୟକ୍ଷ ଅମିତ ଶାହ ଏବଂ ରାଜନାଥ ସିଂଙ୍କ ସମେତ ୨୪ କ୍ୟାବିନେଟ୍ ମନ୍ତ୍ରୀ, ୨୪ ରାଷ୍ଟ୍ର ପାହ୍ୟା ମନ୍ତ୍ରୀ ଏବଂ ୯ଜଣ ରାଷ୍ଟ୍ରମନ୍ତ୍ରୀ (ସ୍ୱାଧିନ ଦାୟୀତ୍ତ୍ୱ) ସାମିଲ ଅଛନ୍ତି।

ମୋଦୀଙ୍କର ପ୍ରଥମ ସରକାରରେ ବିଦେଶ ମନ୍ତ୍ରୀ ରହିଥିବା ସୁଷମା ସ୍ଵରାଜ ଏବଂ ମେନକା ଗାନ୍ଧୀଙ୍କୁ ଏହି ଥର ମନ୍ତ୍ରିମଣ୍ଡଳରେ ସ୍ଥାନ ମିଲିନାହିଁ। ଅପର ପକ୍ଷରେ, ସୁଷମାଙ୍କ ସହିତ ବିଦେଶ ସଚିବ ଥିବା ଅବସରପ୍ରାପ୍ତ ଆଇଏଫଏସ ଅଧିକାରୀ ଏସ ଜୟଶଙ୍କରଙ୍କୁ କ୍ୟାବିନେଟ ମନ୍ତ୍ରୀ ବନାଯାଇଛି। ଭାରତୀୟ ଜନତା ପାର୍ଟିର ସହଯୋଗୀ ଜନତା ଦଳ-ୟୁ ଏବଂ ଆପନା ଦଳ ସରକାରରେ ସାମିଲ ହୋଇନାହାଁନ୍ତି।

ମୋଦୀଙ୍କ ପରେ ସବୁଠାରୁ ପ୍ରଥମେ ଲକ୍ଷ୍ନୌରୁ ସାଂସଦ ରାଜନାଥ ସିଂହ ଶପଥ ନେଇଥିଲେ। ତା’ ପରେ ଅମିତ ଶାହ, ନିତିନ ଗଡକରୀ ଏବଂ ସଦାନନ୍ଦ ଗୌଡ଼ା କ୍ୟାବିନେଟ ମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ଗୌଡ଼ା ଇଂରାଜୀରେ ପଦ ଏବଂ ଗୋପନୀୟତାର ଶପଥ ପାଠ କରିଥିଲେ।

ଗତ ସରକାରରେ ରକ୍ଷା ମନ୍ତ୍ରୀ ଥିବା ନିର୍ମଲା ସୀତାରମଣ, ସହଯୋଗୀ ଦଳ ଲୋଜପାର ପ୍ରମୁଖ ରାମବିଲାସ ପାସୱାନ, ନରେନ୍ଦ୍ର ସିଂହ ତୋମର, ପଟନା ସାହିବରୁ ବିଜୟୀ ରବିଶଙ୍କର ପ୍ରସାଦ ମଧ୍ୟ ମନ୍ତ୍ରୀ ପଦର ଶପଥ ଗ୍ରହଣ କରିଥିଲେ। ତା’ର ପରେ ହରସିମରତ କୌର ବାଦଲ କ୍ୟାବିନେଟ ମନ୍ତ୍ର ଭାବରେ ଶପଥ ନେଇଥିବା ଦ୍ୱିତୀୟ ମହିଳା ଏବଂ ସହଯୋଗୀ ଦଳର ଦ୍ୱିତୀୟ ନେତା।

ଭାଜପାର ପ୍ରମୁଖ ଦଳିତ ଚେହରା ଏବଂ ଦ୍ୱିତୀୟ ଥର ମନ୍ତ୍ରୀ ହୋଇଥିବା ଥାବର ଚନ୍ଦ ଗହଲୋତ ମଧ୍ୟ ଶପଥ ଗ୍ରହଣ କରିଥିଲେ। କ୍ୟାବିନେଟ ମନ୍ତ୍ରୀ ଭାବରେ ରମେଶ ପୋଖରିୟାଲ ନିଶଙ୍କ, ଅର୍ଜୁନ ମୁଣ୍ଡା, ସ୍ମୃତି ଈରାନୀ, ଡ. ହର୍ଷବର୍ଧନ, ପ୍ରକାଶ ଜାବଡ଼େକର, ପୀୟୁଷ ଗୋୟଲ ଏବଂ ଧର୍ମେନ୍ଦ୍ର ପ୍ରଧାନ ମଧ୍ୟ ପଦ ଏବଂ ଗୋପନୀୟତାର ଶପଥ ଗ୍ରହଣ କରିଥିଲେ। ମହେନ୍ଦ୍ର ନାଥ ପାଣ୍ଡେ, ଗିରିରାଜ ସିଂହ, ଗଜେନ୍ଦ୍ର ସିଂହ ଶେଖାୱତ ଏବଂ ଶିବସେନା କୋଟାରୁ ଅରବିନ୍ଦ ସାବନ୍ତ ମଧ୍ୟ କ୍ୟାବିନେଟ ମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ।

ସମସ୍ତଙ୍କୁ ଚକିତ କରିଦେଲା, ପୂର୍ବତନ ବୈଦେଶିକ ସଚିବ ଏସ ଜୟଶଙ୍କରଙ୍କୁ ମଧ୍ୟ ମୋଦୀ ମନ୍ତ୍ରିମଣ୍ଡଲରେ ସାମିଲ କରାଯାଇଛି। ସେ ଜାନୁଆରି, ୨୦୧୫ ରୁ ଜାନୁଆରି, ୨୦୧୮ ପର୍ଯ୍ୟନ୍ତ ବିଦେଶ ସଚିବ ଥିଲେ। ଜୟଶଙ୍କରଙ୍କୁ ମନ୍ତ୍ରିମଣ୍ଡଳରେ ସାମିଲ କରି ମୋଦୀ ସରକାର ସମସ୍ତଙ୍କୁ ଚକିତ କରାଇ ଦେଇଥିଲେ।

ଅପର ପକ୍ଷରେ, ମନ୍ତ୍ରିମଣ୍ଡଳରେ ସୁଷମା ସ୍ଵରାଜ ଏବଂ ଏବଂ ମେନକା ଗାନ୍ଧୀଙ୍କୁ ସାମିଲ କରାଯାଇନାହିଁ। ଖରାପ ସ୍ଵାସ୍ଥ୍ୟ କାରଣରୁ ସୁଷମା ନିର୍ବାଚନରୁ ମଧ୍ୟ ଦୂରତା ରଖିଥିଲେ। ଅବଶ୍ୟ ମୋଦୀଙ୍କ ତରଫରୁ ସୁଷମାଙ୍କୁ ମନାଇବାକୁ ଭରପୂର ଚେଷ୍ଟା କରାଯାଇଥିଲା।